KMPK

Përshkrimi

E krijuar në vitin 2005, kompania KMPK ka ndërtuar një reputacion solid në drejtim të tregut të përsosur, cilësisë, stabilitetit dhe udhëheqjes së re në tregun Shqiptar falë experiencës 30 vjecare të trashëguar nga karpentaria Italiane, vend prej të cilit janë importuar makineritë dhe teknologjia, personelit të kualifikuar dhe të aftë për menaxhim në planin teknik, ekonomik dhe shkencor, si dhe punonjësve të tjerë. Me anë të kësaj strategjie ne i ofrojmë klientëve tanë përveç gamës së plotë dhe të shumëllojshme të shërbimeve në fushën e konstruksioneve metalike edhe stabilitetin e duhur për të ndërtuar mardhënie afat gjata partneriteti.

Sot KMPK është një ndër kompanitë më të rëndësishme në prodhimin e strukturave të rënda dhe gjysëm të rënda. E vendosur në një pozicion strategjik, buzë autostradës kryesore që lidh kryeqytetin me veriun e Shqipërisë, vetëm 3 Km nga aeroporti Nënë Tereza dhe 15 Km nga porti më i rëndësishem i vendit, porti i Durrësit, ky kantier siguron lehtësi komunikimesh si për qarkullimin e mallrave dhe lëndëve të para ashtu dhe të porosive apo të produkteve të gatshme, për të gjithë llojet e transporteve si tokësor, hekurudhor, detar apo ajror. Në një territor prej rreth 10'000 m2 ngrihet një strukturë e madhe prej 6000 m2 e përbërë nga dy reparte të fuqishëm me hapësira te shkëlqyera për perpunimin e përbërësve metalike.

Lartësia e reparteve arrin deri në 13 m, ndërsa ajo nën ganxhën e vinçave arrin deri në 9 m. Repartet përshkruhen nga shtatë vinça ure me kapacitet ngritës 3.2, 6.5, 10 dhe 12 ton si dhe vinça të tjerë ndihmës që lehtësojnë operacionin e përpunimit të materialeve. Çdo gjë zhvillohet në mënyrë harmonike në përputhje me skemat e lëvizjes së materialeve, që prej hyrjes së lëndëve të para e deri tek dalja e produktit të gatshëm. Kompania jonë përveç tregut vendas operon dhe në tregun europian dhe ndërkombetar falë bashkpëunimit të saj me kompanitë prestigjoze europiane.

Certifikime

Cilësia e punës tonë është e garantuar nga kompania prestigjoze CDQ Itali, e cila çertifikon cilësinë konform standarteve ndërkombëtare të ISO. Kompania eshte e certifikuar me UNI-EN-ISO 9001 e afte per te vertetuar cilesine e punimeve, UNI-EN-ISO 18001 qe verteton sigurine ne pune, si dhe EN-1090-1 CE marking qe verteton resistencen dhe sigurine te produkteve qe ne ofrojme.

Video