RS&M shpk

Shfaq kontaktet

Adresa: Autostrada Tirane-Durres, Km4, Tirane, Albania

Dergoji email
kompanise

Përshkrimi

RS&M sh.p.k u krijua në vitin 2003 me një mesazh të qartë për të krijuar një kompani 100% shqiptare, të një niveli të lartë në fushën e sinjalistikës dhe sigurisë rrugore, të njohë nevojat e Republikës së Shqipërisë, të përmirësojë infrastrukturën ekzistuese, të implementojë infrastrukturën e re dhe të kompletojë rrugë me sinjalistikë (horizontale dhe vertikale) dhe siguri rrugore të niveleve bashkëkohore. Sot, RS&M sh.p.k ka arritur objektivat e realizimit të projekteve të suksesshme të rëndësishme në fushat kryesore të synuara.

Xhiroja vjetore e Kompanisë është 10 fishuar me objektiv për të arritur një xhiro në rritje me “herë”. RS&M është një shoqëri përgjegjëse në biznes duke demonstruar marrëdhënie korrekte me bankat brenda dhe jashtë vendit, kompanitë e sigurimit dhe në zhvillimin e investimeve të huaja. Kompania jonë i riinveston fitimet vjetore të saj në zgjerimin dhe përmirësimin e strukturave te saj, në mjete e makineri.

RS&M sh.p.k zotëron: pesë makineri vijëzimi me ajër, një makineri vijëzimi Erles, tre batipal, tre plotera, një printer dixhital për printimin e tabelave fosforeshente, tre tranxha, një stranxhë, tre presa, dy motosaldatrice, katër makineri saldimi me argon, një kamion me vinxh, katër kamionë të tonelatave të ndryshme, dy kamiona karotrec, tre kamioncina dhe dy furgona, gjeneratorë dhe motogjeneratore, sharra për prerjen e asfaltit e shumë pajisje të tjera që kompletojne repartet përkatëse.

Aktualisht e shtrirë në një sipërfaqe prej 6000 m2, me reparte të specializuara për dizenjim dhe montim, konstruksione metalike, magazinim, ofiçinë, ambjente pritjeje për klientë dhe zyra të administratës, krijon një klimë të ngrohtë dhe frytdhënëse për nevojat e tregut.

RS&M sh.p.k mbështetet në një staf të kualifikuar dhe është krenare për frymën e bashkëpunimit dhe të organizimit të shkëlqyer të tij. Në këtë staf përfshihen një drejtues teknik, pesë inxhinierë, një financier, një juriste, një llogaritar, dy teknikë, pesë saldatore, dy dizenjatorë, një specialist, një koordinator dhe 34 punëtore.

“RS&M” është krenare për marrëdhëniet ndërpersonale që mban me ndërtues kombëtarë dhe ndërkombëtarë që operojnë në Shqipëri dhe udhëhiqet nga filozofia për të punuar si nënkontraktor kryesor, me kompani të huaja me experiencë,por dhe si kontraktor në projektet e Ministrisë së Punëve Publike, Transportit dhe Telekomunikacioneve, bashkive e komunave të ndryshme në territorin e REP. SHQIP. Si rezultat i angazhimit për të qenë një Kompani Lider “RS&M” është çertifikuar me ISO 9001-2008 që prej vitit 2007.

Çfarë ofron

PROJEKTIMI
Ekipi i inxhinjerëve dhe specialistëve tanë, janë në gjëndje të ndihmojnë klientët në gjetjen e zgjidhjeve optimale me profesionalizëm, standart të lartë dhe në përputhje me kodin rrugor të Republikës së Shqipërisë. Projektimi përfshin fushat e sinjalistikës, sigurisë dhe trafikut rrugor.

DIZENJIMI
Nga momenti i marrjes së porosisë nga klienti, stafi ynë me eksperiencë shumë vjeçare mundëson realizimin e kërkesës sa më afër idesë. Pas aprovimit nga klienti porosia proçedohet drejt prodhimit.

PRODHIMI
Në momentin e konfirmimit të porosisë nga klienti, ajo kalon në proçesin e prodhimit duke u bazuar në standartet e kërkuara të çertifikimit ISO 9001-2008 (të organizimit) dhew të gjitha çertifikatave të tjera profesionale lidhur me produktet duke dhënë kështu të gjitha garancitë lidhur me produktet.

MONTIMI
Si hallka e fundit e zinxhirit pas projektimit, dizenjimit dhe prodhimit ngelet montimi. Ky proçes realizohet në sasi, në kohë dhe cilësi sipas kërkesave të klienteve tanë.