Qytetarët që nuk marrin nga shitësi kuponin tatimor për produktet që blejnë do të gjobiten me 1000 lekë nga kontollorët. Në këtë mënyrë lufta ndaj informalitetit nuk do të prekë vetëm bizneset, por edhe qytetarët që nuk zbatojnë rregullat.
Udhëzimi i tatimeve thotë se blerësi ose përfituesi i shërbimit, duhet ta kërkojë atë në kohën e realizimit të shitjes apo të kryerjes së punimit ose shërbimit. Në të kundërt, në rast kontrolli nga tatimoret, n.q.s nuk ka kupon tatimor, dënohet me gjobë me 1 000 lekë.Udhëzimi i ri që përcakton procedurat se si tatimorët e terrenit duhet të kontrollojnë biznesin, që hyri në fuqi një muaj më parë, tregon format se si ky kontroll duhet realizuar për vendndodhjen, regjistrimin, numrin e punonjësve të biznesit, si dhe përdorimin e kasës fiskale.
Masat e gjobat ndaj bizneseve
1-Konstatimi që në herën e parë se mungon pajisja fiskale apo mospërdorim i saj ka një gjobë në masën e 50 mijë lekëve.
2-Konstatimi i të njëjtës shkelje për herë të dytë, vendos një masë më të rëndë, atë të konfiskimit të të gjithë sasisë së mallit.
3-Ndërsa, udhëzimi saktëson se vazhdimi i kësaj shkeljeje, i përsëritur, konsiderohet evazion tatimor dhe vijon procedimi penal.
4-Për moslëshimin e kuponit tatimor nga bizneset, gjoba shkon nga 200 mijë lek për subjektet e tatim fitimit dhe 50 mijë lekë për bizneset e tjera,. raporton Monitor.
5-Sipas udhëzimit, edhe mallrat që kapen gjatë transportit të pashoqëruara me faturë tatimore do të konfiskohen menjëherë.
6-Një tjetër sanksion ndaj bizneseve është parashikuar në rastet kur nuk mban dhe mirëmban në kushte pune pajisjet fiskale ose sistemet e monitorimit të qarkullimit, me gjobë në masën 40 mijë lekë dhe kur nuk njofton për difekt nëkasën fiskale, në masën 25 mijë lekë.
Qytetarët që nuk marrin nga shitësi kuponin tatimor për produktet që blejnë do të gjobiten me 1000 lekë nga kontollorët. Në këtë mënyrë lufta ndaj informalitetit nuk do të prekë vetëm bizneset, por edhe qytetarët që nuk zbatojnë rregullat.
