Gjiknuri ne Kamez: Ne shtator nis ndertimi i aksit Thumane-Kashar
Turi i “Llogaridhënies publike”, e gjeti ministrin e i Infrastrukturës dhe Energjisë Damian Gjiknuri në Kamëz, ku takoi banorët e zonës dhe foli për ndërtimin e aksit Thumanë-Kashar.
Gjiknuri u ndal tek investimet e programuara në infrastrukturën rrugore kombëtare me ndikim edhe për territorin e Bashkisë së Kamzës, duke thënë se aksi më prioritar i qeverisë Thumanë-Kashar do të lehtësoj trafikun përmes qytetit. “Ju e dini se ne po ndërmarrim investime të mëdha për gjithë pjesën e rrugëve lidhëse për nga veriu. Kjo do të thotë se edhe rruga Thumanë-Kashar, besoj nga Shtatori do të fillojë. Do të ketë një lehtësi të trafikut edhe drejt Kamzës pasi pjesa e veriut do të shkojnë drejt autostradës Tiranë-Durrës. Edhe pjesa nga Fushë Kruja në Kamëz do të ketë gjithashtu një lehtësim të trafikut”, tha Gjiknuri. Ai ju referua edhe çështjes problematike të trajtimit të mbetjeve, duke vënë në dukje se deri më tani ka munguar bashkëpunimi me pushtetin vendor për t’i dhënë Kamzës të njëjtën zgjidhje si Tiranës.
“Këtu ka nevojë dhe për çështjen e mbetjeve. Ne i kemi propozuar kryetarit të bashkisë po jua themi. Ne po ngremë një incenerator në Sharrë dhe Kamza nuk ka pse të trajtohet veç si Tirana. Qeveria shqiptare ka marrë rrisqet e saj, ne shpenzojmë disa milionë dollarë çdo vit vetëm për trajtimin e mbetjeve në Qarkun e Tiranës. Skema jonë ka qenë që edhe mbetjet e Kamzës të shkojnë në Sharrë dhe të përpunohen aty. Qeveria do të japë mbështetjen e saj, bashkia do të marrë edhe ajo një rrisk, një kontribut të vogël financiar. Nuk kemi gjetur bashkëpunim. Këtë po jua them, zgjidhja është aty, problemi i mbetjeve në Kamëz do të zgjidhet siç po zgjidhet edhe në Tiranë. Është e rëndësishme që pushteti vendor këtu të jetë bashkëpunues me qeverinë në këtë drejtim”, deklaroi ministri./Shqip
Gjiknuri u ndal tek investimet e programuara në infrastrukturën rrugore kombëtare me ndikim edhe për territorin e Bashkisë së Kamzës, duke thënë se aksi më prioritar i qeverisë Thumanë-Kashar do të lehtësoj trafikun përmes qytetit. “Ju e dini se ne po ndërmarrim investime të mëdha për gjithë pjesën e rrugëve lidhëse për nga veriu. Kjo do të thotë se edhe rruga Thumanë-Kashar, besoj nga Shtatori do të fillojë. Do të ketë një lehtësi të trafikut edhe drejt Kamzës pasi pjesa e veriut do të shkojnë drejt autostradës Tiranë-Durrës. Edhe pjesa nga Fushë Kruja në Kamëz do të ketë gjithashtu një lehtësim të trafikut”, tha Gjiknuri. Ai ju referua edhe çështjes problematike të trajtimit të mbetjeve, duke vënë në dukje se deri më tani ka munguar bashkëpunimi me pushtetin vendor për t’i dhënë Kamzës të njëjtën zgjidhje si Tiranës.
