Bashkepunim nderkufitar: Nga 1 prilli pika te perbashketa kufitare edhe me Maqedonine
Bashkëpunimi ndërkufitar dhe policor ka qenë fokusi i takimit të ministrit të Brendshëm Lleshaj me homologun maqedonas Oliver Spasovski në Pogradec.
Këta të fundit u zotuan të ndërmarrin hapat e nevojshëm për të vendosur këto pika të përbashkëta kufitare në datë 1 prill 2019. Ministri Lleshaj përgëzoi homologun e tij, Oliver Spasovksi për rezultatet në parlamentin e Maqedonisë përsa i përket aprovimit të Marrëveshjes PRESPA, e cila shtron udhën e integrimit të Maqedonisë drejt NATO-s dhe Bashkimit Europian. Gjatë takimit, diskutimet u përqendruan në qëllimin e përbashkët për ngritjen e modelit “one stop-shop” në kufirin e përbashkët, një model të cilin Shqipëria e ka aplikuar tashmë me Malin e Zi dhe Kosovën, ndërsa Maqedonia e ka në fuqi me Serbinë.
Të dy ministrat nënvizuan rëndësinë e modelit “one- stop-shop” në kufi, për shkak se ky lehtëson së tepërmi lëvizjen e shtetasve dhe mallrave mes dy vendeve. Ministri maqedonas informoi palën shqiptare se autoritetet maqedonase po marrin të gjitha masat e nevojshme për të përmirësuar kushtet dhe infrastrukturën e pikës së përbashkët ndërkufitare të Trebishtit. Ministri Lleshaj shfrytëzoi mundësinë për t’i prezantuar homologut maqedonas idenë e sigurimit të lëvizjes së lirë të qytetarëve, udhëtarëve dhe mallrave në kufijtë e vendeve, si dhe përmirësimin e shkëmbimit të informacionit në kufijtë me vendet e tjera. Ministri Lleshaj u shpreh se kjo ide do të ndahet edhe me vendet e tjera të Ballkanit Perëndimor, të cilët janë të mirëpritur t’i bashkohen dhe përfitojnë nga nisma. Spasovski theksoi rëndësinë e bashkëpunimit shumë të mirë dy-palësh në fushën e Policisë, në luftën kundër krimit të organizuar dhe kërcënimeve globale të sigurisë, duke nënvizuar më tej rritjen e bashkëpunimit ë të mëtejshëm midis dy vendeve./SCAN
Këta të fundit u zotuan të ndërmarrin hapat e nevojshëm për të vendosur këto pika të përbashkëta kufitare në datë 1 prill 2019. Ministri Lleshaj përgëzoi homologun e tij, Oliver Spasovksi për rezultatet në parlamentin e Maqedonisë përsa i përket aprovimit të Marrëveshjes PRESPA, e cila shtron udhën e integrimit të Maqedonisë drejt NATO-s dhe Bashkimit Europian. Gjatë takimit, diskutimet u përqendruan në qëllimin e përbashkët për ngritjen e modelit “one stop-shop” në kufirin e përbashkët, një model të cilin Shqipëria e ka aplikuar tashmë me Malin e Zi dhe Kosovën, ndërsa Maqedonia e ka në fuqi me Serbinë. 
