Sherbimi bankar- Kryeqyteti perfituesi kryesor, 60 per qind e kredive per individe ne Tirane
Kryeqyteti është përfituesi kryesor i shërbimeve bankare, për shkak të rritjes së numrit të popullsisë dhe përqendrimit më të lartë të ofrueseve të të mirave dhe shërbimeve.
Shpërndarja gjeografike e portofolit të kredisë për individë tregon se kreditimi i tyre ka qenë i përqendruar në rrethin e Tiranës. Të dhënat e bankës së Shqipërisë tregojnë se gjatë tremujorit të parë të vitit 2019, kredia në total e individëve është përqendruar në rrethin e Tiranës (60.2% e totalit), e ndikuar gjerësisht nga rritja e mbizotërimit të kredisë për banesa. Kështu, kredia për banesa në rrethin e Tiranës përbën 67.2% të totalit të portofolit, dhe në dy vitet e fundit, kjo peshë është rritur me rreth 2.4 pikë përqindje. Ngadalësimi i rritjes së kredisë konsumatorë ka reflektuar si një kërkesë në rënie për financim nga individët ashtu edhe kushtet lehtësisht më të shtrënguara. Kredia konsumatorë u tkurr në tremujorin e parë, duke ngadalësuar normën e rritjes vjetore në 4.8%, ose 5 pp më pak se mesatarja e vitit të kaluar.
Tkurrja e kredisë konsumatorë është balancuar nga rritja me 1.3 miliardë lekë e kredisë për banesa, e cila është rritur me ritme të qëndrueshme në harkun kohor të një viti. Norma vjetore e zgjerimit të këtij portofoli shënoi 6.5% në muajin mars, njësoj sa edhe norma mesatare e vitit 2018. Gjithashtu, shpërndarja gjeografike e portofolit të kredisë konsumatorë tregon se kohët e fundit, bankat kanë filluar të jenë më aktive edhe nëpër rrethe. Krahasuar me tre vite më parë, pesha e kredisë konsumatorë në rrethet bregdetare ndaj totalit është rritur me rreth 1.5 pikë përqindje, e lidhur edhe me përmirësimin e aktivitetit ekonomik në këto rrethe. Kredia për individë është rritur me ritme më të ngadalta gjatë tremujorit të parë të vitit 2019. Norma vjetore e këtij portofoli u reduktua me 0.3 pikë % në fund të muajit mars. Ngadalësimi i rritjes së kredisë konsumatorë duket të ketë reflektuar si një kërkesë në rënie për financim nga individët ashtu edhe kushtet lehtësisht më të shtrënguara./Monitor
Shpërndarja gjeografike e portofolit të kredisë për individë tregon se kreditimi i tyre ka qenë i përqendruar në rrethin e Tiranës. Të dhënat e bankës së Shqipërisë tregojnë se gjatë tremujorit të parë të vitit 2019, kredia në total e individëve është përqendruar në rrethin e Tiranës (60.2% e totalit), e ndikuar gjerësisht nga rritja e mbizotërimit të kredisë për banesa. Kështu, kredia për banesa në rrethin e Tiranës përbën 67.2% të totalit të portofolit, dhe në dy vitet e fundit, kjo peshë është rritur me rreth 2.4 pikë përqindje. Ngadalësimi i rritjes së kredisë konsumatorë ka reflektuar si një kërkesë në rënie për financim nga individët ashtu edhe kushtet lehtësisht më të shtrënguara. Kredia konsumatorë u tkurr në tremujorin e parë, duke ngadalësuar normën e rritjes vjetore në 4.8%, ose 5 pp më pak se mesatarja e vitit të kaluar. 
