Robotet qe fluturojne dhe notojne mund te revolucionarizojne operacionet e kerkim-shpetimit
‘Bletët’ robotike të Harvardit kanë evoluar me të vërtetë gjatë viteve. Projekti RoboBee u zbulua për herë të parë në 2013, kur robotët ende nuk ishin në gjendje të fluturonin.
Që atëherë, ata janë modifikuar dhe tani janë në gjendje jo vetëm të fluturojnë, por edhe të zhyten në ujë, të dalin prej tij dhe të ndalojnë në një vend të sigurt. Një arritje e madhe për një ‘bletë’ të vogël robotike. Sipas krijuesve sistemi është 1,000 herë më i lehtë se çdo robot tjetër hibrid ajror-ujor.
Shkathtësia e tij do të thotë se mund të jetë i dobishëm në të gjitha llojet e aplikacioneve, duke përfshirë kërkimin dhe shpëtimin, monitorimin e mjedisit dhe studimet biologjike.
“Ky është mikro-roboti i parë që mund të lëvizë në mënyrë të përsëritur brenda dhe përmes mjediseve komplekse. Ne kemi dizajnuar mekanizma të reja që lejojnë që automjeti të kalojë drejtpërdrejt nga uji në ajër, gjë që është përtej asaj që natyra mund të arrijë në botën e insekteve. “, tha Yufeng Chen, autori i parë i studimit. RoboBee peshon vetëm 175 miligram (14 herë më i lehtë se një cent).
