Keto ndertime jane disa nga veprat me te mrekullueshme te inxhinierise

Brenda shekullit të kaluar urat, ndërtesat dhe rrugët janë bërë vepra arti funksionale. Në këtë artikull ne kemi përmbledhur dhjetë nga ndërtimet më të mahnitshme në botë. Ato variojnë nga projektet e mëdha të inxhinierisë civile në disa nga ndërtesat më të bukura të ndërtuara 100 vitet e fundit. Ato janë:

1. Ura Hong Kong-Zhuhai-Macau, Hong Kong

Ky është një sukses i pabesueshëm i inxhinierisë. Ky sistem është një projekt i vazhdueshëm i përbërë nga ura, ishuj artificialë dhe tunele. I gjithë projekti filloi në vitin 2009 dhe do të shtrihet në mbi 50 km. I gjithë projekti është projektuar për të qëndruar për të paktën 120 vjet. Ura e fundit u përfundua vitin e kaluar dhe i gjithë projekti do të hapet në dhjetor të këtij viti.

2. Selia e Televizionit Qendror të Kinës

Kjo është një nga ndërtesat më të bukura në botë në mënyrën e vet. Struktura shërben si seli e Televizionit Qendror të Kinës. Ndërtimi  i saj filloi në shtator të vitit 2004 me fasadën e përfunduar në vitin 2008.

3.Projekti “Man-Made River”, Libi

Ky është projekti më i madh i ujitjes në botë. Ajo ndodhet nën shkretëtirën Sahara dhe përbëhet nga 2800 km tuba. Këto tuba lidhin 1.300 puse dhe transportojnë rreth 6.5 milionë metra kub ujë të freskët çdo ditë. Projekti filloi në vitin 1985 dhe aktualisht është ende në ndërtim. Pjesa më e madhe e fondeve për të kanë ardhur nga qeveria libiane. Projekti do të përfundojë rreth viteve 2030.

4. World One, Mumbai

World One është një kullë rezidenciale në Mumbai të Indisë. Aktualisht është duke u ndërtuar, por pasi të përfundojë në 2018-ën, do të jetë kulla më e lartë në botë. Ndërtesa përfundimtare do të përbëhet nga 117 kate me 18 ashensorë, të cilët do të shërbejnë për 300 apartamente. Ndërtimi i kullës është përgjegjësi e Lodha Group, një nga kompanitë më të mira të ndërtimit në Indi.

5. Burj Khalifa, Dubai

Burj Khalifa është jo vetëm një ndërtesë e bukur, por ajo është zyrtarisht një nga strukturat më të larta në botë të ndërtuara nga njeriu. Mund të thuash edhe se është një nga ndërtesat më të famshme në botë, me një lartësi rreth  830 metra.

6. Palm Island, Dubai

Asnjë listë me ndërtimet më të mahnitshme nuk do të ishte e plotë pa këtë sukses të pabesueshëm të inxhinierisë. Ky është një nga projektet më të bukur dhe të famshëm të ndërtimit në botë.

7. Kompleksi i Hoteleve Regatta, Xhakartë

Jo vetëm që është një nga ndërtimet më të mahnitshme në botë, por duhet të jetë një nga 10 ndërtesat më të bukura. Hoteli është projektuar nga Atelier Enam, i cili u bazua në një temë detare. Pjesa kryesore e projektit është vetë hoteli aerodinamik me pamje nga deti Java.

8. Projekti për Transferimin e Ujit nga Jugu në Veri, Kinë

Në Kinën Veriore është përqëndruar rreth 50 % e popullsisë, por vetëm 20 përqind e burimeve totale të ujit. Për të balancuar pak gjërat, Kina ka kaluar 15 vitet e fundit duke ndërtuar një seri kanalesh për transportimin e ujit aty ku është e nevojshme. Kanali qëndror u përfundua në vitin 2014 me dy të tjerë aktualisht në ndërtim e sipër. Pasi të kompletohet, i gjithë sistemi duhet të transportojë rreth 45 miliardë metra kub ujë të freskët çdo vit.

9. Projekti ndërshtetëror amerikan, SHBA

Ky projekt përfshin përafërsisht 77,000 km rrugë.  Ai ka qenë një nga projektet më të gjata dhe më të shtrenjta të ndërtimit në historinë moderne. Është sigurisht një nga ndërtimet më të mahnitshme në botë. Projekti u iniciua nga Dëight D. Eisenhower.

10. Songdo International Business District, Koreja e Jugut

Songdo është një zonë biznesi e ndërtuar mbi tokë tërësisht të bonifikuar. Natyra e këtij projekti e bën atë një nga më të mëdhenjtë në historinë e njerëzimit dhe një investim të rëndësishëm në punë dhe para. I gjithë projekti u përfundua në vitin 2015 për të siguruar një vend multifunksional me dhjetëra mijëra shtëpi, hapësirë për zyre dhe hapësirë të shitjes me pakicë.

Më të lexuarat