Se shpejti do te kryhen modifikimet e para gjenetike tek njeriu
Njerëzit do të modifikohen gjenetikisht për herë të parë në Evropë pasi rregullatorët të kenë dhënë miratimin në testimin e terapisë së bashkimit të ADN-së.
Një çrregullim shkatërrues i gjakut i njohur si beta talasemia, që redukton prodhimin e hemoglobinës, mund të shërohet duke përdorur këtë terapi. Hemoglobina mbart oksigjenin që trupi ka nevojë për qelizat e tij dhe pa sasi të mjaftueshme, ata që vuajnë nga sëmundja mund tu shkaktohen deformime të kockave, anemi, rritje të ngadaltë, lodhje dhe frymëmarrje të ndadaltë. Shkencëtarët në kompaninë bioteknike Crispr shpresojnë se mund të ndryshojnë kodin e trupit për të ndaluar mutacionin gjenetik dhe për të rikthyer nivelet e shëndetshme të hemoglobinës.
Sëmundja është e para që trajtohet duke përdorur këtë metodë në Evropë dhe ekspertët kanë thënë se ajo çfarë pritej sipas provave rezulton të jetë e saktë. Profesori Robin Lovell-Badge, udhëheqës i grupit në Institutin Francis Crick të Londrës, tha: "Do të kthehemi prapa dhe do të mendojmë se ky është fillimi i vërtetë i terapisë së gjeneve".
Kjo lloj terapie është përdorur gjatë 30 viteve të kaluara, pasi mjekët shpërndajnë ADN-në e humbur nga qelizat e dëmtuara për të rritur efektivitetin e tyre. Por puna që po kryhet në Crispr mund të jetë një zgjidhje më afatgjatë e cila gjithashtu është provuar të jetë më e lirë. Terapia përdor mekanizmin e mbrojtjes natyrore të baktereve i cili mban në vetvete fijet e viruseve vdekjeprurëse në mënyrë që ata t'i njohin ato. Nëse ata vijnë në kontakt me virusin ata janë në gjendje të lëshojnë një enzimë në mënyrë që ta sulmojnë dhe ta nxjerrin atë jashtë nga ADN-ja.
Shkencëtarët e kanë njohur këtë si një metodë efektive dhe kanë krijuan mekanizmin e tyre të prerjes që heq zonat e transformuara të ADN-së. Sidoqoftë, megjithëse ky trajtim shpresojmë që një ditë të përdoret tek njerëzit, provat do të zhvillohen jashtë trupit të njeriut.
