Secondary Adv

Skano produktin dhe paguaje permes telefonit

Share on Google+

Tesco së shpejti do ti lejojë konsumatorët të skanojnë produktet me telefonin e tyre dhe më pas ti paguajnë ato përmes një aplikacioni. 

 

Një risi e tillë vjen fill pasi Amazon bëri gati të njëjtën gjë me blerjet në supermarketet e saj, duke i lejuar blerësit të përdorin telefonin për të paguar për produktet ushqimore. Nëse testet e kësaj risie nga Tesco rezultojnë të suksesshme atëherë sistemi i pagesave të tilla përmes aplikacionit do të jenë në të gjithë dyqanet në Britaninë e Madhe. Grupi i supermarketeve po teston aplikacionin në smartphone në dyqanin e Tesco Express, i vendosur në kampusin e selisë së saj në Welwyn Garden City, në veri të Londrës. Smartphonat e 100 personave të përzgjedhur për të kryer testet e para në vendndodhjen e përgjedhur për këtë proçes, tashmë mund të skanojnë bar kodet dhe të paguajnë për pazaret e tyre duke përdorur një aplikacion të quajtur Scan Pay Go. 'Duke përdorur pajisjen tuaj mobile ju zgjidhni disa produkte, vendosni ato në shportën tuaj në aplikacion dhe pastaj dilni nga dyqani', u tha gazetarëve Steven Blair, drejtori i këtij shërbimi inovativ së Tesco. 

 

Reagimi është shumë i mirë për këtë shërbim, por është ende shumë shpejt. Shefi ekzekutiv i Tesco, Dave Lewis, tha se edhe pse shërbimi mund të zbatohej më gjerësisht, pasojat e sigurisë duhej të konsideroheshin si një rrezik i vjedhjes së produkteve në rritje. Nëse diferenca në biznes është dy ose tre për qind, ju nuk duhet të humbni shumë për ta bërë atë të padobishëm, tha ai. Dyqani Welwyn është gjithashtu pa kasa dhe kasierë pra nuk ka pagesa te mirëfillta si ndodh gjithmonë nëpër supermarkete, duke shkurtuar kohën e kaluar në rradhat e gjata për pagesat e produkteve të blera. Z. Bler tha se dyqani u shërbeu klientëve duke bërë blerje për rreth 45 sekonda, kundrejt 90 sekondave për një dyqan të ngjashëm me madhësi në të njëjtin sektor. Unë kam vërejtur se disa dyqane të komoditeteve Tesco në Britani ishin vetëm rreth 20 përqind të pagesave me para të gatshme, duke bërë një rikthim në të ardhmen të parave të gatshme.  

 

Amazon bëri të njëjtën gjë afërsisht me dyqanin e hapur në muajin janar të këtij viti në Seattle, i njohur si Amazon Go, një sistem shërbimi i mbështetur në kamera dhe sensorë për të regjistruar se çfarë marin blerësit nga raftet e supermarketit dhe pagesa më pas përmes një aplikacioni online, për produktet e blera. Pagesat me para në dorë dhe linjat e arkës bëhen të tepërta duke qënë se  konsumatorët faturohen pas largimit nga dyqani duke përdorur kartat e kreditit për pagesën përmes aplikacionit. 


Me te lexuarat ne Inovacion