Secondary Adv

Kurset speciale qe te mesojne si te punosh me robote

Share on Google+

Sipas studiuesve programi i ri universitar është krijuar për t'i ndihmuar studentët të përshtaten në punë me robotët që do të jenë kolegët e tyre në të ardhmen.  

 

Një studim i kohëve të fundit zbuloi se pothuajse 40 përqind e njerëzve kanë frikë se robotët do të vjedhin punët e tyre. Më parë këtë vit zyrtarët e NHS njoftuan se robotët do të kryejnë shërbimin e kujdesit mendor brenda 20 viteve. Shkencëtarët nga Instituti i Teknologjisë Sligo në Irlandë po testojnë një robot ende në fazën e prototipit që reagon ndaj përkëdheljeve dhe bisedës.

 

"Ka prova në rritje se inteligjenca emocionale e zotëruar nga robotët socialë në të ardhmen do t'u mundësojë atyre të bëjnë një ndryshim të vërtetë në jetën e njerëzve në shoqëri", tha Dr John Pender nga Sligo Institute of Technology. Shkencëtarët thonë se teknologjia për të bërë 'robotë socialë' ka qenë rreth e rrotull për dekada. Megjithatë, shumë njerëz nuk ndihen fort rehat në lidhje me idenë e punës me ta. Projekti trevjeçar sapo ka filluar dhe shkencëtarët thonë se shpresojnë që në fund studentët që kanë punuar me robotë gjatë periudhës së universitetit do të jenë të përgatitur të punojnë me ta kur të fillojnë karrierën e tyre. Ngjashëm me terapinë, shpresohet se robotët do të ndihmojnë pacientët të qetësohen dhe t'u japin atyre diçka për t'u kujdesur.  

Rezultatet e hershme sugjerojnë se robotët ndihmojnë njerëzit që janë në fazat e mesme të demencës. Më parë këtë vit u zbulua se NHS po planifikon një zgjerim të madh të inteligjencës artificiale në të gjithë shërbimin shëndetësor për operacionet rutinore dhe trajtimin. Teknologjia do të përdoret gjithashtu për 'nxitjen' e pacientëve drejt mënyrave të jetesës më të shëndetshme, veçanërisht nëse ata kanë diabet ose që vuajnë nga zemra. 

Jeremy Hunt njoftoi një investim prej 280 milion dollarë drejt asaj që është quajtur 'gjenerata e ardhshme e trajtimeve inovative'. Ai parashikon që konsultat virtuale së shpejti do të përdoren në mënyrë rutinore në operacionet e GP dhe A & E dhe 'mund përfundimisht të zëvendësojnë' takimet ballë për ballë. Inteligjenca artificiale tashmë është në çdo aspekt të jetës sonë, nga navigimi në internet deri në njohjen e zërit dhe tani do të aplikohet në kujdesin shëndetësor.


Më të lexuarat