Secondary Adv

Facebook po zhvillon teknologjine qe lexon mendimet tona

Share on Google+

Facebook mendohet se është duke zhvilluar një teknologji e cila do të mundësojë leximin e mendjes tonë. 

 

CEO Mark Zuckerberg mendohet se po punon për një teknologji e cila konsiston në "ndërfaqen e trurit me kompjuterin". Në të ardhmen e afërt, ky sistem do t'i lejonte përdoruesit të bashkëveprojnë me mjedise të realitetit të shtuar duke përdorur vetëm trurin e tyre, pa tastiera, prekje ose gjeste të nevojshme. 

 

Koncepti që Zuckerberg parashikon do të lejonte përdoruesit të navigonin menutë, të lëviznin objekte në një dhomë AR ose madje të shkruanin fjalë me trurin e tyre. Përdoruesit do të veshin një pajisje në kokën e tyre që është në gjendje të kapë rrjedhat e gjakut, aktivitetin e trurit dhe mendimet. Kjo teknologji ndihmohet nga fakti që kërkuesit tashmë mund të zbulojnë kur përdoruesi po mendon për diçka në veçanti duke parë aktivitetin e tyre nervor. Një pajisje për leximin e mendjes do ta bëjë shumë më të lehtë për njerëzit që të bashkëveprojnë me teknologjinë, pohon Zuckerberg.

 

Mënyra se si punojnë telefonat tanë sot, dhe të gjitha sistemet kompjuterike, të organizuara rreth aplikacioneve, nuk është aspak se si funksionontruri ynë dhe si i afrohemi botës, u shpreh ai. Ai po ashtu anashkaloi çdo implikim të mundshëm etik që mund të lindte nga pajisja, duke thënë se përdoruesit do të duhej të jepnin miratimin e tyre për produktin. Zuckerberg tha se sistemi nuk do të ishte invaziv, sepse kjo mund ta parandalonte atë që të ishte diçka që 'të gjithë do të përdorin'.

Në një post në Facebook, Zuckerberg përshkroi se pse ai mendon se teknologjia është premtuese."Truri ynë prodhon të dhëna të mjaftueshme për të transmetuar 4 filma HD çdo sekondë u shpreh ai."Ne jemi duke punuar në një sistem që do t'ju lejojë të shkruani direkt nga truri juaj rreth 5x më shpejt se sa mund të shkruani në telefonin tuaj sot. Edhe një klikim i thjeshtë po/jo i trurit do të ndihmonte që gjërat si realitet i shtuar të ndjehen shumë më të natyrshme,"shtoi ai.


Më të lexuarat