Secondary Adv

Coca Cola, Pepsi dhe McDonalds, ndotesit me te medhenj te mjedisit

Share on Google+

Më shumë se gjysma e mbeturinave që përfundojnë në dete dhe lumenj janë bërë nga vetëm dhjetë kompani, me në krye Coca Cola që zë më shumë se 15.5%.   

 

Mijëra vullnetarë morën pjesë në "Big Spring Beach Clean" të vitit 2019, një pastrim të 229 plazheve dhe lumenjve në të gjithë Mbretërinë e Bashkuar. Ata mblodhën 49,000 copë mbeturina, prej të cilave 20,000 u identifikuan si pjesë e 10 ndërmarrjeve të mëdha të cilat përbënin shumicën, sipas një raporti të ri.  

Pepsi, që përbën 10.3 për qind, ishte i dyti pas Coca Cola, ndjekur nga Mondelez, e cila zotëron Cadbury, në 6.8 për qind, McDonald's në gjashtë për qind dhe Nestle 5.5 për qind. Më shumë se 45,700 njerëz grumbulluan 70,800 kg mbetje si pjesë e plazhit më të madh të Britanisë së Madhe, një rritje prej 22 për qind nga viti i kaluar. Vetëm dhjetë kompani ishin përgjegjëse për më shumë se gjysmën e ndotjes së paketimit plastik të regjistruar. 

 

Njerëzit dhe planeti kanë nevojë që këto kompani të ndryshojnë mënyrën se si  bëjnë biznes. Aktualisht, kompanitë e mëdha botërore nuk ndajnë informacion mbi sasinë e paketimit që prodhojnë, duke fshehur shkallën e dëmtimit të tyre në mjedis. Shitësit me pakicë dhe prodhuesit paguajnë më pak se dhjetë për qind të kostos së shitjes, ose më pak se 130 milion dollarë në vit. 

Pjesa tjetër, prej 90 përqind po financohen përmes faturave të taksave të këshillit dhe taksimit të përgjithshëm dhe në fund, mjedisi. Është e rëndësishme që të ketë transparencë sa i përket sasisë së paketimit që po prodhohet, me qëllim që rregullimi i ri i paketimit të jetë efektiv. Mjedisi ynë është në rrezik dhe ndotja plastike është një tregues i qartë se biznesi si zakonisht nuk do bëjë asgjë për ta përmirësuar. 

 

Coca-Cola  në një deklaratë u shpreh se kompania është angazhuar për të bërë shishe me një mesatare prej 50 për qind të përmbajtjes së ricikluar plastike deri më 2030. Dhe ndërkohë që pjesa më e madhe e paketimit është e riciklueshme, po punojmë që të arrijmë në 100% riciklueshmëri, u shpreh një përfaqësues.


Më të lexuarat