Secondary Adv
ACP
Njoftohuni me të rejat më të fundit rreth projekteve, kompanive dhe lajmeve në Shqipëri!

Projekti per sheshin dhe pedonalet e qytetit te Kamzes | Bashkia Kamez

Bashkia e Kamzës do të nisë shumë shpejt punimet për ndërtimin e sheshit të ri të këtij qytetit dhe pedonales, projekte të cilat do të transformojnë pamjen e Bashkisë së gjashtë më të madhe në vend.

Institucioni i pushtetit vendor njofton se është kryer tenderimi i projektit me vlerë 97.901.555 lekë dhe tashmë vetëm pritet të nisin punimet, afati i të cilave do të jetë 180 ditë nga data e lirimit të ndërtimit. Sheshi i ri pranë Pallatit të Kulturës do të ketë një sipërfaqe prej 3963 metrash katrorë dhe simbolizon fazën e parë të ndryshimit të pamjes së qytetit. Përveç gjelbërimit (që përfshin mbjelljen e pemëve dekorative dhe luleve) dhe ndriçimit të bollshëm do të ketë një shatërvan, çezmë uji, kosha mbeturinash, etj.

Ndërkohë qyteti pajiset edhe me një shëtitore, e cila do të shtrihet përgjatë Bulevardit Blu, nga qendra e qytetit deri në kryqëzimin me rrugën “Londra”. Projekti i pedonales parashikon shtrimin me pllaka dekorative, pajisjen me stola, ndriçim, gjelbërim me pemë dhe lule, duke u kthyer kështu në një atraksion për qytetarët e Kamzës.

Me shume projekte ne Shqiperi