BERZH, 1 mln euro per ndermarrjet e vogla dhe te mesme ne Kosove
BERZH nënshkroi një paketë të asistencës teknike prej një milion euro, e financuar nga BE, për ndërmarrjet e vogla dhe të mesme (NVM) në Kosovë.
Ndërmarrjet e vogla dhe të mesme tani mund të përfitojnë nga shërbimet këshilluese të përshtatura, të dizajnuara për t’i ndihmuar ato të ndërtojnë kapacitetet e tyre të eksportit dhe të kenë mundësi të reja për rritje dhe zhvillim.
“Paketa e asistencës teknike është pjesë e Programit për Mbështetjen e Konkurrueshmërisë së NVM-ve në Ballkanin Perëndimor, përmes të cilit BERZH-i ofron kredi dhe BE-ja kontribuon me grante nxitëse.
Edhe pse NVM në Kosovë përbëjnë 99.8% të bizneseve të regjistruara dhe pothuajse 80% të punësimit, ato vazhdojnë të përballen me sfida që pengojnë aftësinë e tyre për të konkurruar në tregjet rajonale dhe ndërkombëtare”, thuhet në njoftim.
Programi do të fokusohet që t’ju ndihmojë NVM-ve për të sjellë në standardet e BE kapacitetet e tyre prodhuese, cilësinë e produktit dhe qëndrueshmërinë mjedisore.
Projektet këshillimore do të mbështesin rimëkëmbjen e SME dhe do t’i ndihmojnë ato të kompensojnë ndikimin negativ në biznesin e tyre duke i ndihmuar ato të ndërtojnë aftësi kyçe në menaxhim, modele biznesi, komunikim, menaxhim të zinxhirit të furnizimit dhe diversifikimin e shitjeve, ndër të tjera.
Aktivitetet e zhvillimit të tregut dhe sektorit do të implementohen me synimin për të nxitur një mjedis për ndërmarrësi, duke ofruar trajnime dhe seminare për ngritjen e kapaciteteve për të përmbushur nevojat e ndërmarrjeve dhe konsulentëve, duke ndihmuar në të njëjtën kohë shoqatat e biznesit dhe sektorit t’u shërbejnë më mirë klientëve të tyre.
Neil Taylor, shefi i BERZH për Kosovë tha “bashkëpunimi ynë i vazhdueshëm me BE na mundëson të ndihmojmë më shumë ndërmarrës në Kosovë që të ndërtojnë aftësi të reja, të eksportojnë më shumë dhe të bëhen më të gjelbër.
Nxitja e sektorit privat është prioriteti ynë i parë në strategjinë tonë të re të BERZH të miratuar këtë javë.” Ambasadori Tomas Szunyog, shef i Zyrës së BE tha se financimi shtesë për shërbimet këshillimore sinjalizon mbështetjen e vazhdueshme të BE për NVM e Kosovës dhe do tu mundësojë atyre të bëhen konkurrente në tregjet rajonale dhe ndërkombëtare.
Kosova u bë anëtare e BERZH dhe vendi i operimit në dhjetor 2012. Që atëherë, Banka ka investuar 545 milionë euro në Kosovë./Burimi: Telegrafi
Ndërmarrjet e vogla dhe të mesme tani mund të përfitojnë nga shërbimet këshilluese të përshtatura, të dizajnuara për t’i ndihmuar ato të ndërtojnë kapacitetet e tyre të eksportit dhe të kenë mundësi të reja për rritje dhe zhvillim.
