Vijojne shifrat e larta te infektimeve, mbi 3,600 raste ne Kosove
Ministria e Shëndetësisë së Kosovës ka raportuar katër vdekje si dhe 3,617 raste të reja të infektimit me COVID-19.
Këto raste pozitive dolën si rezultat i testimit të 13,928 mostrave. Nga kjo shifër i bie se 25.96 për qind e të testuarve kanë rezultuar pozitivë me sëmundjen COVID-19. Në njoftimin e MSH, që i referohet të dhënave të 24 orëve paraprake, bëhet e ditur se janë shëruar edhe 1,344 pacientë.
Aktualisht në Kosovë janë 31,021 raste aktive me koronavirus. Gjatë këtyre 24 orëve, Ministria e Shëndetësisë njofton se janë dhënë 4,316 doza të vaksinës kundër COVID-19. Deri më tani, të vaksinuar plotësisht me dy doza të vaksinës janë 804,251 persona.
Gjatë së premtes, më 28 janar 2022, Ministria e Arsimit, Shkencës, Teknologjisë dhe Inovacionit, njoftoi se aktualisht të infektuar me COVID-19 janë 6,700 nxënës si dhe 1,489 mësimdhënës.
MASHTI, ka bërë thirrje që të vaksinohen fëmijët nga mosha 12-vjeçare si një formë për luftimin pandemisë së shkaktuar nga koronavirusi./Burimi: Balkanweb
Këto raste pozitive dolën si rezultat i testimit të 13,928 mostrave. Nga kjo shifër i bie se 25.96 për qind e të testuarve kanë rezultuar pozitivë me sëmundjen COVID-19. Në njoftimin e MSH, që i referohet të dhënave të 24 orëve paraprake, bëhet e ditur se janë shëruar edhe 1,344 pacientë.
