Secondary Adv

Vendet me te pasura dhe me te varfra: Shqipëria e 90-ta ne bote, me e varfra ne rajon

Revista “Global Finance” ka publikuar renditjen e shteteve të botës nga më i pasuri tek më i varfëri për vitin 2022.

 

Shifrat i referohen “Fondit Monetar Ndërkombëtar” në publikimin “Prespektiva Ekonomike Botërore, Prill 2022”.

 

Sipas këtyre të dhënave Shqipëria renditet e 90-ta mes 192 vendeve në total të marra në analizë me PBB për frymë në 17,383 dollarë.

 

Ky pozicionim e rendit vendin tonë mes vendeve me të ardhura mesatare.

 

Mes rrjeshtash “Global Finance” thekson se matja e vendeve të pasura dhe të varfëra bëhet referuar PBB për frymë bazuar në barazinë e fuqisë blerëse.

 

Produkti i brendshëm bruto është i konvertuar në dollarë ndërkombëtarë duke përdorur normat e barazisë së fuqisë blerëse.

 

Kjo matje bëhet pasi nëse do të merrnim parasysh vetëm produktin e brendshëm bruto të një vendi gjatë një viti, atëherë do na duhet të konkludojmë se kombet më të pasura janë pikërisht ato me GDP-në më të lartë si Shtetet e Bashkuara, Kina, Japonia apo Gjermania.

 

Kështu, për të patur të dhëna më të sakta sa i përket vendeve më të pasura dhe atyre më të varfëra, sipas Global Finance, është e preferueshme që vendet të jenë edhe egalitare, pra të barabarta ekonomikisht.

 

Për të vlerësuar se sa të pasur janë qytetarët e një vendi, është e nevojshme të kuptohet se sa mund të blejnë. Pra kur krahasojmë GDP-në për frymë midis vendeve,

 

PBB-ja duhet të rregullohet për barazinë e fuqisë blerëse, gjë që na ndihmon të marrim parasysh normat e inflacionit dhe çmimin e mallrave dhe shërbimeve në çdo vend të caktuar.

 

Sipas kësaj metodologjie vendi më i pasur në botë është Luksemburgu me PBB për frymë bazuar në barazinë e fuqisë blerëse deri në 140,694 dollarë. Vendi dytë më i pasur është Singapori, ndjekur nga Irlanda dhe Katari.

 

Në fillim të listës vijojnë edhe vende si Zvicra Emiratet e bashkuara Arabe, Norvegjia dhe Shtetet e Bashkuara në vend të shtatë me 76,027 dollarë për frymë.

 

Por cilat janë vendet më të varfëra të botës?

 

Listimi i tyre sipas PBB për frymë bazuar në barazinë e fuqisë blerë tregon se në fund të listës janë vende si Burundi, Sudani i Jugut, Somalia, Nigeria, Republika e Kongos dhe vende të tjera afrikane.

 

“Scan Intel” ka krahasuar vendet e rajonit sa i përket renditjes së tyre. Në rajon, sipas renditjes, Shqipëria është më e varfëra në rajon pas Kosovës e cila renditet në vend të 105 me PBB për frymë 13,964 dollarë.

 

Mali i Zi kryeson në rajon si vendi më i pasur me PBB më të lartë për frymë bazuar në barazinë e fuqisë blerëse. Renditet në vend të 69-të në botë me 24,878 dollarë.

 

Më pas vjen Serbia dhe Maqedonia e Veriut të renditur në vend të 72 dhe 78 respektivisht. Bosnje Hercegovina në këtë renditje qëndron në vend të 88-të me 17,471 dollarë për frymë./Burimi: Scan Intel


Më të lexuarat