Zgjedhjet ne SHBA, Trump veteshpallet fitues pas projeksioneve te Fox News
Republikani Donald Trump pretendon fitoren në garën presidenciale të vitit 2024, pasi Fox News parashikoi se ai ka mundur demokraten Kamala Harris.
Para mbështetësve në Florida, Republikani Donald Trump tha se ka fituar garën kundër demokrates Kamala Harris, duke e kthyer atë sërish në Shtëpinë e Bardhë pas katër vjetëve.
"Kemi zgjedhur presidentin tuaj të 45- të dhe 47-të. Amerika na ka dhënë një mandat të paprecedentë dhe të fuqishëm. Do të luftoj për ju dhe familjet tuaja! Do të ndihmoj vendin tonë të shërohet.
Do të arrijmë epokën e artë të Amerikës. Do ta bëjmë të madhe sërish. Do marrim 315 vota elektorale" tha Trump para një turme të madhe mbështetësish të mbledhur në Qendrën e Konventës së Qarkut Palm Beach.
Tek Republikanët ka nisur festa!
Numërimi vijon, e deri tani zoti Trump ka siguruar 266 vota elektorale prej 270 votave të nevojshme të Kolegjit Elektoral për t'u shpallur president, përballë Nënpresidentes Kamala Harris që ka fituar deri tani 219 vota të tilla.
Por Fox News projekton Trump se ka marrë 277 vota elektorale kundrejt Harris që ka arritur të marrë 226 vota. Zoti më shpëtoi jetën për një arsye për të shpëtyuar vendin tonë dhe për të rikthyer madhëshinë amerikane e do ta përmbushim këtë mision" tha Trump
Ish-presidenti doli fitues në Xhorxhia, Karolinën e Veriut dhe në Pensilvani me 19 vota elektorale, një nga shtetet përcaktuese të zgjedhjeve duke shënuar edhe një hap drejt fitores, ndërsa është përpara në Wisconsin, Michigan, Arizona dhe Nevada./Burimi: Shqiptarja.com
Para mbështetësve në Florida, Republikani Donald Trump tha se ka fituar garën kundër demokrates Kamala Harris, duke e kthyer atë sërish në Shtëpinë e Bardhë pas katër vjetëve.
