Rruga Shengjin-Lezhe serish rreshqitje guresh, banoret: Po na rrezikohet jeta

Vijojnë të bien masive gurësh në rrugën kryesore që të çon në qytetin e Shëngjinit. Edhe pse pak ditë më parë gurët rrezikuan disa punëtorë të cilët po udhëtonin me autobus. 

Në rrugen Lezhë-Shëngjin pranë vendit të quajtur Knallë rreziku vijon të jetë evident.Të tjerë shkëmbinj janë shkëputur dhe rrezikojnë të bien nga mali. Banorët e zonës dhe udhëtarët që lëvizin çdo ditë në këtë zonë u tremben tragjedive të mundshme, pasi sipas tyre shkëputja e gurëve nga mali në këtë zonë është i vazhdueshëm. Ata që e përdorin rrugën çdo ditë thonë se janë në dorë të Zotit, por pas rastit të së mërkurës kërkojnë ndërhyrjen e shtetit. Pas aksidentit ku mbeten të plagosura rëndë dy vajza, punonjës të emergjencave monitoruan zonën dhe pritet të dalin me një raport për ndërhyrjen që nevojitet, Por pavarësisht kërkesave të banorëve, nga ana e shteti nuk është marrë asnjë masë për evadimin e gurëve të shkëputur nga kodra. Deri atëherë kush udhëton drejt Shëngjinit duhet të tregohet i kujdesshëm për masivët e shkëmbijve që rrezikojnë të bien nga lart./Shqiptarja.com 

Më të lexuarat