Secondary Adv

Qeveria miraton 4 vendime per rindertimin:70 mln dollare grante per rikonstruksionin

Share on Google+

Ministri i Rindërtimit Arben Ahmetaj njoftoi sot miratimin e 4 vendimeve nga qeveria për rindërtimin e zonave të dëmtuara nga tërmeti.

 

Ahmetaj tha se nga bashkia e Shijakut janë miratuar listat e qytetarëve që do të përfitojnë pagesat për rikonstruksionin e shtëpive të dëmtuara. Afër procesit të miratimit të listave nga këshillat bashkiak pas shqyrtimit të dosjeve të dorëzuara janë bashkitë si Durrës, Tiranës, Kavajë dhe Kurbinit. Ministri i Rindërtimit u kërkoi bashkive të përshpejtojnë procesin e vlerësimit dhe të aprovojnë listat, me qëllim që të nisë shpërndarja e grandeve të rikonstruksionit. Në total për të gjithë familjet që iu dëmtuan shtëpitë nga tërmeti dhe kanë nevojë të rikostruktohen, sipas Ahmetajt qeveria do të shpërndajë 70 milionë dollarë.

 

“Sot nisim zyrtarisht programin për zbatimin e programit të grandeve të rikonstruksionit, me Bashkinë Shijak, për dëmtime DS1, DS2, DS3, punime që mund të kryhen vetë nga qytetarët dhe të rimbursohen nga shteti. 1174 familje në banesa individuale dhe 27 banesa kolektive, përfitojnë drejtpërsëdrejti pagesat e grandeve për riparimin e dëmeve të shtëpive të tyre. Procesi vijon në bashkite e tjera dhe në ditët në vijim do të miratohen fondet për përfituesit e rinj. Qeveria do të paguajë një për një të gjithë banorët në nevojë për riparime të dëmeve të tërmetit.”

 

Ministri Ahmetaj njoftoi edhe miratimin e 3 vendimeve të rëndësishme në mbledhjen e qeverisë për rindërtimin e zonave të dëmtuara nga tërmeti, siç ishte shpallja e zonës për rikualifikim dhe Rindërtim pas pasojave të tërmetit në Parkun Arkeologjik të Durrësit dhe marrëveshjen e bashkëpunimit me qeverinë turke, që do ti hapë rrugë fillimit të punimeve në kantierin e Rindërtimit në Laç. Në total në 11 bashkitë e vendit, sipas Ministrisë të Rindërtimit kanë aplikuar online 48,708 qytetarë. Nga këto 25,863 janë klasifikuar DS1, DS2, DS3 për rikonstruksionin nëpërmjet grandeve, ndërsa 22,845 janë klasifikuar DS4, DS5 dhe do të përfshihen në programet e rindërtimit. Faza e aplikimeve në platformën elektronike zgjati 1 muaj nga 28 janari deri në 28 shkurt.

 

Deri tani ka përfunduar vlerësimi i thelluar ka përfunduar për 357 janë apartamente kolektive, 3,529 shtëpi individuale, 99 institucione publike, 108 objekte arsimore dhe 15 qendra shëndetësore. Bonus qiraje do të përfitojnë 12,951 familje sipas shifrave të ministrisë të Rindërtimit, ndërsa 2,043 familje do t’u ndërtohen shtëpitë dhe 2,708 familje janë akomoduar në tenda. Nga familjet e vendosura në tenda mbi 750 familje ndodhen në Tiranë, 751 familje në Krujë, 422 në Durrës dhe 322 në Kurbin. Nga lejet e dhëna për ndërtimin e 2,403 shtëpive, me procedurë të përshpejtuar, 1150 janë në Tiranë, 632 në Durrës, 93 në Kamzë dhe 106 në Kurbin./Burimi: Monitor 


Më të lexuarat