Secondary Adv

Shkencetaret shpallin emergjencen boterore te klimes

Share on Google+

Mijëra shkencëtarë janë bashkuar për të deklaruar se 'vuajtjet e pathëna të njerëzimit' janë të pashmangshme pa ndryshime të thella në veprimtarinë njerëzore.  

 

Një aleancë prej më shumë se 11,000 shkencëtarësh nënshkruan letrën që shpalli emergjencën e klimës përpara se të mundësonte një seri veprimesh efektive që njerëzit mund të ndërmarrin. 

Për të kufizuar dëmet e shkaktuara nga emetimet e gazrave serrë të njerëzve, letra bën thirrje për më shumë kontroll mbi popullsinë globale që lulëzon masivisht, duke u rritur aktualisht me mbi 200,000 njerëz në ditë. 

Letra tregoi gjashtë fusha në të cilat njerëzimi duhet të ndërmarrë hapa të menjëhershëm për të ngadalësuar efektet e një planeti që ngrohet. Së pari duke ulur konsumin e energjisë dhe duke zëvendësuar karburantet fosile me burime të ulëta të karbonit, duke lënë rezervat e mbetjeve fosile në tokë.   

Së dyti, kërkohet ulja e 'ndotësve jetëshkurtër' si metani, tymi dhe hidroflurokarburet që duhen prerë në mënyrë drastike. Njerëzit inkurajohen të adaptojnë një dietë me më pak produkte shtazore. 

Ulja e mbeturinave të ushqimit është deklaruar gjithashtu si kritike, shkencëtarët thonë se të paktën një e treta e të gjithë ushqimit të prodhuar përfundon si mbeturina, që do të thotë që emetimet e panevojshme u krijuan në prodhimin e tij.

Në fund, letra shprehet se zbutja dhe përshtatja ndaj ndryshimit të klimës, kërkon ndryshime të mëdha në mënyrat sesi funksionon shoqëria globale dhe bashkëvepron me ekosistemet natyrore.


Më të lexuarat