Dubai prezanton makinen e pare fluturuese, gati ne 2026

Taksitë fluturuese mund të lançohen më shpejt nga sa mendoni, pasi Dubai shpreson të nisë shërbimin e tij “air ridesharing” deri në vitin 2026.

Kryeministri i Emirateve të Bashkuara Arabe Mohammed bin Rashid al Maktoum ka njoftuar miratimin e projekteve për stacionet e reja të taksive ajrore në të gjithë qytetin.

Duke ripërtërirë angazhimin e Dubait ndaj programit të taksive fluturuese, ai tha se shërbimet do të fillojnë të funksionojnë brenda tre vjetësh pasi u promovuan për herë të parë në 2017.

Një video promovuese, e cila u postua gjithashtu në Twitter nga HH Sheikh Muhamed, tregon një taksi fluturuese elektrike  të prodhuar nga Joby Aviation, e cila ka selinë në Santa Cruz, Kaliforni.

Kompania amerikane e aviacionit tha se Dubai ka “një ekonomi me rritje të lartë, me inovacion të lartë” dhe se ishte “i nderuar të prezantojë Joby” dhe “të diskutojë se çfarë mund të bëjë linja ajrore për Dubain”.

Më të lexuarat