Teknologjia e re diellore qe pergjysmon faturat tuaja
Një bllok banimi në Uells është pajisur me një sistem diellor ‘të parë në botë’ që lidh të gjitha banesat me të njëjtat panele në çati.
Banorët e Odet Court në Cardiff do të kursejnë 50 % nga faturat e tyre të energjisë falë teknologjisë së re, e cila mund të plotësojë deri në 75 % të kërkesës për energji elektrike të çdo banese.
Prodhuesi australian Allume Energy pretendon se modeli i tij ‘SolShare’ është e vetmja teknologji që mundëson që energjia diellore nga një sistem i vetëm tavanesh të ndahet nga shumë shtëpi në të njëjtën ndërtesë.
Qeveria e Uellsit financoi projektin pionier me qiradhënësin e banesave sociale Wales & West Housing, si pjesë e një programi rinovimi mbarëkombëtar.
Blloqet e banesave në të gjithë Europën së shpejti mund të përfitojnë nga eko-novacioni. Allume Energy thekson se 300 milionë europianë jetojnë në ndërtesa banimi të ulëta dhe të mesme me hapësirë për çati për diell.
Sistemi i ri është i përshtatshëm për projekte të rinovimit, si dhe për ndërtime të reja, pasi nuk kërkon ndonjë ndryshim në infrastrukturën ekzistuese të furnizimit dhe matjes.
Sistemi i çatisë ka potencialin për të përmbushur 55 deri në 75 % të kërkesës për energji elektrike të çdo banese.
