EKO-LETER

Historiku

Eko Letër sh.p.k është një kompani Shqiptare themeluar në vitin 2009 nga vëllezërit Miraka. Fillimisht e ka nisur aktivitetin e saj si importuese por tashmë edhe si prodhuese e një shumëllojshmërie produktesh me bazë letrën, të cilat shërbejnë për ambalazh ushqimor dhe industrial. Fillimisht ky biznes familjar nisi si një mikro-investim, duke shfrytëzuar të gjithë kapacitetet tona fizike dhe financiare.

Tregu shqiptar ishte një treg agresiv, i varfër dhe me eksperiencë të pakët në industrinë e letrës. 5-vjeçari i parë ka qenë më i vështiri për të mbijetuar, duke qenë se tregu pësoi ndryshime të menjëhershme në industrinë e letrës ushqimore dhe kjo çoj në rritje të shpejtë të kërkesës për letrën ushqimore. Kjo rritje e menjëhershme e kërkesës na gjetitë papërgatitur për të arritur te klienti me çmim të mirë dhe në kohën e duhur. Në fund të ciklit 5-vjeçar, vendosëm prodhimin e çantës së parë prej letre në Shqipëri.

Nga ajo ditë kompania mori tjetër drejtim dhe mund të themi me bindje që ishte vendimi i duhur. Investuam në fushën e marketingut dhe shitjeve me qëllim njohjen e produkteve tona edhe më gjerë, rritëm kapacitetin prodhues, zgjeruam hapësirat e ambientit të punës nga 350 m2 në 1000 m2 per makineritë e prodhimit dhe zyrat e Eko-Letër, gjithashtu kemi 2 magazina për procesin e mbylljes së cantave dhe kutive te prodhuara, që ndodhen në Tiranë (Kombinat) dhe në Gramsh.

Investuam në makineri dhe burime njerëzore, rritëm bashkëpunimin me tregun shqiptar dhe filluam të zgjeroheshim jashtë vendit duke eksportuar në tregun Italian, Kosovar e më gjërë. Sot kompania numëron rreth 100 të punësuar dhe një gamë të gjerë produktesh, duke shërbyer me rigorozitet dhe qëllim përmbushjen e kërkesave të klientëve.

Falë përkushtimit të vazhdueshëm në punë dhe ideve inovative për tregun Shqiptar, sot Eko-Letër është një histori suksesi. Sigurisht falenderime pafund për ata që besuan në idenë dhe punën tonë, për klientët që bashkëpunuan dhe vazhdojnë të bashkëpunojnë dhe sigurisht së fundmipor jo nga rëndësia punonjësit e kësaj kompanie, ata janë aseti më i rëndësishëm. Në aktivitetin tonë një vëmendje të veçantë gëzojnë klientët të cilët veç cilësisë së shërbimit kanë si objektiv njohjen e logos dhe aktivitetit të tyre. Produktet tona janë kryesisht për restorante, fast-food, markete, supermarkete, pastiçeri, furra buke, bulmetore, dyqane dhuratash, butik, argjendari etj. Porositë kryhen në formatin e dëshiruar dhe mund të stampohen mbi të informacione apo logo, sipas dëshirës së klientit.