Aran Cucine Albania

Çfarë ofron

Kuzhina gatimi nga Aran Cucine

Kuzhina është hapësira më e rëndësishme e shtëpisë dhe si e tillë meriton vëmendje maksimale gjatë projektimit.

Në showroom-et Aran Cucine do të keni mundësinë të konsultoheni me arkitektët tanë, të cilët do realizojnë projektin që ju dëshironi.

Projekti i përshtatet kërkesave tuaja të dizajnit, por gjithmonë duke patur parasysh shfrytëzimin maksimal të hapësirave si edhe funksionalitetin në kuzhinë.

Soxhorno nga Aran Cucine

Aran Cucine gjithashtu ofron mundësi për dizenjimin e zonës së living room, me një gamë të gjerë modelesh e cila përfshin sirtarë dhe rafte të projektuar për të akomoduar nevojat e një dhome ndenje.

Soxhornot janë projektuar të jenë një vazhdimësi e kuzhinës. Modulet janë plotësisht të personalizueshme dhe mundësojnë larmishmëri zgjedhjesh në materiale dhe finitura, në mënyrë që ta bëni hapësirën tuaj unike.

Kende, Divane & Poltrona nga Alpa Salotti

Këndet & Divanet janë padyshim mobiljet më të përdorura në shtëpi. Janë vendi ku ju ndiqni maratonat e filmave. Aty ku ju konsumoni ushqim të shpejtë dhe në fund shtriheni për të pushuar pas një dite të lodhshme. Divani është pjesa më e rëndësishme e mobiljeve dhe përzgjedhja e një modeli komod dhe cilësor është një kusht i panegociueshëm.

Këndet & Divanet vijnë në shumë materiale, forma, stile, dizajne, ngjyra dhe struktura. Modelet Alpa Salotti janë të personalizueshëm, që do të thotë që ju mund t’i ndryshoni lehtësisht në përputhje me stilin e shtëpisë. Divanet apo këndet janë qendra e vëmendjes në shtëpi dhe për këtë arsye duhet të qëndrojnë në një linjë me të gjithë arredimin e hapësirës tuaj.

Tavolina & Karrige nga Pointhouse

Produkte 100% Made in Italy nga firma e njohur Pointhouse. Vizitoni showroomin tonë dhe përzgjidhni setin tuaj të preferuar të karrigeve dhe tavolinave të ngrënies.

Mobilje zyrash nga Newform Office

Mobiljet konsiderohen si pjesa qëndrore e çdo ambienti, qoftë një shtëpi, zyrë, apo hapësirë biznesi. Në rastin e ambienteve të punës dhe zyrave, ato duhet të krijojnë një ndjenjë lirie, personalizimi dhe bashkëpunimi në të njëjtën kohë.

Newform Office synon krijimin e hapësirave të cilat promovojnë një jetë aktive në punë, pasi roli i mobiljeve në produktivitetin dhe funksionimin efikas të një vendi pune është më i gjerë sesa ne mund të mendojmë.

Koleksionet e zyrave Newform janë projektuar për të krijuar një ambient stilistik të mirëpërcaktuar, por të gjithanshëm, në gjendje të përshtatet me nevoja të ndryshme të punës dhe me stilin personal të atyre që përdorin zyrën. Shumëllojshmëria e konfigurimeve, zgjidhjet e nivelit të lartë teknologjik, cilësia e finituraveve dhe materialeve krijojnë një projekt unik, i cili synon më tepër cilësinë e jetës në zyrë, sesa menaxhimin e thjeshtë të hapësirës.

Garderoba nga Newform Notte

Garderoba Newform Notte sjell zgjidhje elegante për garderoba dhe dollape të cilat shtojnë cilësinë, qëndrueshmërinë dhe personalitetin e çdo hapësire. Ju do të mund të realizoni garderobën që dëshironi duke ju përshtatur hapësirave dhe shijeve tuaja. Night Collection ofron module dhe formate të përshtatshëm për garderobat walk-in dhe dollapët e mbyllur.

Çdo njësi vjen e prodhuar 100% në Itali me vëmendje të madhe në çdo detaj. Një përzgjedhje unike e materialeve si: eko-pelle, pëlhurë, laccato lucido, xham ose dru. Modulet përfshijnë rafte, sirtarë dhe aksesorë të dedikuar për këmisha, pantallona, rafte këpucësh, sirtarë të vogjël për kravata, etj.