VIP SECURITY

Çfarë ofron

Shoqërim i personaliteteve VIP

VIP Security ofron shërbimin e mbrojtjes ekzekutive për personalitete të rëndësisë së veçantë, Ky lloj shërbim i ofrohet artistëve të huaj e shqiptarë, të cilët performojnë në skena të mëdha apo evente të ndryshme, liderëve politikë, personalitete dhe drejtues biznesi, por mund të përfshijë edhe persona me influencë në fusha të ndryshme që kanë pasur një lloj kërcënimi kundër tyre.

Eskortë luksoze për shoqërime VIP

Një nga shërbimet më të veçanta të kompanisë sonë, që na diferencon nga tregu është absolutisht eskorta jonë luksoze e koordinuar dhe e organizuar specifikisht për shoqërime të nivelit të lartë VIP. Ky është një shërbim elitë që i ofrohet delegacioneve dhe personave të rëndësisë së veçantë duke ruajtur privatësinë e tyre, si dhe duke garantuar siguri maksimale me profesionistë të sigurisë të mirëtrajnuar vetëm për këtë shërbim. Ekipi security është në dispozicion të plotë të klientëve duke siguruar mbarëvajtjen e lëvizjes së tyre, e njëkohësisht duke ofruar përgjegjësi maksimale për mbrojtën e tyre.

Shoqërime VIP me automjet të blinduar

Automjetet e blinduara të VIP Security e çojnë mbrojtjen në një tjetër nivel. Me automjetet tona të blinduara, të sofistikuara ju do të jeni në gjendje të ndiheni të pathyeshëm duke ruajtur lartësinë e luksit dhe duke rritur kapacitetet e sigurisë suaj. Ne ofrojmë zgjedhje të shkëlqyera për klientët VIP që kërkojnë makina të blinduara luksoze.  Sipas nevojave tuaja ekzakte ne ju mundësojmë të krijoni mbrojtjen e nevojshme me automjetet tona të blinduara, të cilat detyrimisht drejtohen nga punonjësit tanë të sigurisë me ose pa armë.

Ruajtje dhe siguri fizike objektesh

Këtë shërbim VIP Security e ofron për të gjithë klientët e interesuar për t’i garantuar e sigurisë së banesave, bizneseve, apo çdo aseti me vlerë të konsiderueshme nga kërcënimet e botës reale duke përfshirë parandalimin, ndërhyrjen, pra reagimin e menjëhershëm dhe përgjigjen ndaj çdo rreziku që i kanoset asetit që na keni besuar. Security për evente të hapura dhe të mbyllura, si dhe evente masive. Çdo ditë e shumë po shohim evente kulturore, sportive apo artistike që po realizohen në qytetin e Tiranës, por edhe në qytete të tjera të Shqipërisë, e në këtë prizëm menaxhimi i turmave në evente të tilla është një proces tejet i vështirë për të cilin kontraktorët/organizatorët e kanë të nevojshëm mbështetjen me truprojë për garantimin e mbarëvajtjes së eventit, shërbim të cilin VIP Security e ofron me përgjegjshmëri të lartë, më një plan masash specifik, punojës truporjë të specializur dhe mbi të gjitha me një ekip profesional që drejtojnë dhe menaxhojnë të tilla evente.

Sisteme alarmi dhe kamera CCTV

Kompania jonë ofron me cilësinë më të lartë në vend, diskrecion maksimal e përgjegjësi edhe shërbimin e kamerave CCTV e sistemeve të alarmit, dy shërbime këto që vijnë tek ju si një paktë e vetme për t’ju ofruar siguri dhe pamje të qartë nga banesa/biznesi juaj direkt në telefonin tuaj.  Për sa i përket sistemeve të alarmit kemi të bëjmë me çdo mekanizëm, pra pajisje të projektuar për të zbuluar një hyrje të paautorizuar në ndërtesën ose në pronën, ose për të drejtuar vëmendjen ndaj një grabitjeje, vjedhjeje ose emergjence tjetër në zhvillim dhe për të sinjalizuar dukuri të tilla nëpërmjet një sinjali akustik. Kjo dyshe perfekte pajisjesh, suportuar nga një flotë e madhe teknikësh dhe grupet e gatshme janë patjetër një sistem i jashtëzakonshëm monitorimi ku nëpërmjet shërbimit të VIP Security garantojmë maksimalisht biznesin tuaj apo banesën.

Kamera dhe sisteme sigurie

Ne jemi distributor i autorizuar i kamerave të sigurisë Tiandy, kamerat lider në rang botëror që prej vitit 1994.  Tiandy është një zgjidhje inteligjente e standardave më të larta që përgjatë gjithë periudhës së operimit ofron pamje me ngjyra, duke u renditur në numrin 7 në fushën e mbikëqyrjes. Këtë sistem kamerash e kanë përdorur dhe vazhdojnë kontratat e mbikëqyrjes qindra qytete inteligjente në botë, aeroportet më të mëdha si ai i Londrës, po ashtu edhe në evente madhështore si ai i Kupës së Botës në Brazil, Forumin Davos etj.

Ne disponojmë kamera IP Tiandy 2mpx, 4mpx, 5mpx, 8mpx, 12mpx të varianteve bullet, turret, dome, të gjitha IP. Kamerat IP Tiandy të brendshme apo të jashtme ofrojnë teknologji superiore ndaj kamerave të vjetra CCTV analoge që përdorin kabllo koaksiale. Videokamerat IP ofrojnë një rezolucion më të lartë dhe një fushë shikimi më të gjerë dhe më të thellë në krahasim me kamerat CCTV. Teknologjia e avancuar dixhitale e kamerave IP mundëson vizion të shkëlqyer në nivele të larta dhe të ulëta të dritës gjatë ditës dhe natës. Kamerat PTZ Tiandy janë një evolucion i madh teknologjik që  janë ndërtuar me pjesë mekanike që i lejojnë ato të rrotullohen nga e majta në të djathtë, të anojnë lart e poshtë dhe të zmadhojnë dhe zvogëlojnë një skenë. Ato zakonisht përdoren për të monitoruar zonat e hapura që kërkojnë një pamje 180 ose 360 gradë dhe vendosen në stacione roje ku personeli aktiv mund t'i përdorë ato përmes një kontrolluesi të kamerës në distancë. Në varësi të kamerës ose softuerit, ato mund të vendosen gjithashtu që të ndjekin automatikisht aktivitetin e shkaktuar nga lëvizja ose t'i përmbahen një plani të paracaktuar. Kamerat PTZ mund të konfigurohen me pilot automatik për të skanuar zonat e paracaktuara.

Shërbimin e sigurisë në Casino

VIP Security e ofron këtë shërbim si dimension më vete të sigurisë private për shkak të rëndësisë që i ne kushtojmë mënyrës sesi kombinojmë një sërë teknikash dhe pajisjesh për të garantuar siguri të standardeve Evropiane. Ne ofrojmë të gjithë të interesuarve shërbimin e sigurisë në Casino duke patur një plan veprimi konkret për të marrë të gjitha masat e nevojshme për të ruajtur, mbrojtur objektin  e kazinosë dhe klientët e saj nga krimi i dhunshëm, vjedhja dhe sjellje të tjera të papërshtatshme.

Monitorim subjektesh nëpërmjet Sallës Operative

Salla jonë operative me ekspertët më të mirë të fushës dhe në një monitorim aktiv në 24 orë në 365 ditë të vitit e me një vigjilencë të lartë është një nga pikat tona të tjera të forta që patjetër është sfiduese për konkurrentët, por e nevojshme për klientët.  Salla Operative është zemra e menaxhimit të sinjaleve të alarmit në të gjitha objektet që VIP Security ka në ruajtje, po ashtu të përcjelljes së informacioneve mbi shërbime të veçanta që kryhen, shërbime për ruajtjen e objekteve, si dhe të gjitha lëvizjet e automjeteve, motomjeteve dhe shërbimeve të punonjësve duke përfshirë edhe grupet e gatshme. Pikërisht aty mblidhen dhe përpunohen të dhënat rreth sinjaleve, dhe shkrihen me të dhëna të tjera operative dhe kontrolluese për të prodhuar dhe mbledhur informacion. Po ashtu, salla operative është një pikë kyçe e komunikimit ku klientët apo edhe të interesuar mund të koordinojnë përgjigjet e tyre mbi paqartësi ndaj situatave, defekteve apo edhe informacione të ndryshme për shërbimet që ofrojmë.

Ofrojmë shërbime sigurie për:

    Shtëpi banimi
    Festa private
    Ture dhe evenimente turistike
    Stadiume
    Ndeshje futbolli
    Magazina
    Banka
    Qendra biznesi
    Qendra tregtare
    Panaire
    Objekte në ndërtim
    Rezidenca
    Institucione shtetërore
    Agjensi shtetërore
    Spitale, klinika
    Universitete
    Shkolla, kopeshte, çerdhe
    Hotele, Pube, bare, restorant