LED Shop

Shfaq kontaktet

Adresa: Bulevardi Gjergj Fishta, pranë urës së Ish NSHRAK, Tiranë, Albania

Dergoji email
kompanise

Përshkrimi

Departamenti i Ndriçimit LED Shop, pjesë e kompanisë Brotech Brands, ofron që prej vitit 2012 në tregun shqiptar brandet më cilësore të teknologjisë inovative të ndriçimit LED. Duke parë përparësitë dhe avantazhet që ofron kjo teknologji përkundrejt ndriçuesve të tjerë si dhe mundësinë e aplikimit të kësaj teknologjie në çdo lloj ambienti familjar, tregtar apo industrial, ne kemi vazhduar të zgjerojmë aktivitetin duke shtuar gjithnjë shumëllojshmërinë e shërbimeve dhe produkteve LED.

Ekipi i kualifikuar dhe profesional i LED Shop, komunikon drejtpërdrejtë me konsumatorët për të kuptuar nevojat e tyre dhe për të ofruar konsulencën e duhur, projektin e ndriçimit dhe asistencën teknike, në mënyrë që të ofrohet një zgjidhje sa më profesionale dhe optimale.

Brandet tona përfshijnë një gamë të gjerë produktesh LED si: spote, abazhurë, prozhektorë, shirita LED, llamba për zyra dhe shtëpi, ndriçuesa LED për karburante, ndriçuesa LED rrugor dhe industrial, ndriçuesa për lulishte, komanduesa të cilët mundësojnë ndryshimin e ngjyrës së ambientit sipas dëshirës, si edhe ekrane full color dhe reklama elektronike LED.

Vlen për t'u theksuar fakti se investimi për të zëvendësuar ndriçimet e vjetra me ato LED nuk është aspak "shpenzim" por "kursim" i sigurt dhe i shpejtë, pasi brenda një viti ju kurseni energji më shumë se sa vlera e blerjes së këtij produkti. Ne shohim gjithmonë përpara për t'ju shërbyer ju dhe biznesit tuaj, aq sa gjithmonë themi: LED Shop "Zgjidhja juaj e ndriçimit!"

Vizioni: Të bëhemi kompania më e specializuar në ofrimin e teknologjisë LED.

Misioni: T’i ofrojmë shoqërisë përfitime reale nëpërmjet inovacionit, risive dhe zhvillimit njerëzor.

Vlerat: Respekt, Integritet, Diferencë, Shërbim Cilësor, Pasion të arrijmë të pamundurën!

Çfarë ofron

LED në Dyqane, Bar Restorante

Zgjidhjet tona LED janë të përshtatshme në mënyrë unike për dyqanet dhe ju ofrojnë skenën e duhur për çdo rast. Ndriçimi LED mund të nxjerrë në pah produktet, të shtojë interesin, por gjithashtu mund të reflektojë humor, duke ndihmuar për të krijuar ambientin e veçantë dhe unik.

LED në Shtëpi, Zyra

Ambienti i zyrave po ndryshon me shpejtësi jetën e njerëzve. Ndriçimi LED ndihmon në këto ndryshime. Përdorimi i ngjyrave, shumëllojshmëria e formave, efektet dinamike në intensitet dhe drejtim. Në krye të kësaj, LED sjell kursim të madh të energjisë.

LED në Spitale, Hotele, Bare

Hoteleria është një nga sektorët që i nevojitet më shumë kursimi i energjisë. Sot, teknologjia LED mban potencial të jashtëzakonshëm për të kursyer energji në shkallë globale. Llambat LED kanë vendosur standarde të reja në intensitet, cilësi dhe fluks ndriçimi.

LED në hapësirat e jashtme

LED ofrojnë një model të pashembullt në ndriçimin e mjedisit tonë urban në një mënyrë emocionuese dhe praktike. Ndriçuesit janë tepër të përshtatshëm, duke iu rezistuar kushteve të jashtme atmosferike dhe duke siguruar një ndriçim të magjishëm për festat publike. E gjithë kjo me një konsumim të ulët të energjisë.

LED në Industri

Ndriçimet LED i kanë ardhur në ndihmë ambienteve të fabrikave në industri. Tavanet super të larta e bëjnë mirëmbajtjen ose zëvendësimin e llambave shumë të kushtueshëm. Gjithashtu kubatura shumë e madhe në fabrika kërkon një ndriçim shumë të fuqishëm. Zgjidhjet LED ndihmojnë për të kaluar këto sfida.