Kaleshi@ shpk

Shfaq kontaktet

Adresa: Autostrada Tirane - Durres km 12, Tirane, Albania

Dergoji email
kompanise

Përshkrimi

Kanë kaluar më shumë se dy dekada që kur firma Kaleshi @ shpk, me seli në Përmet, qytetin e luleve, nisi rrugëtimin e saj. Në ato vite të trishta, kur njerëzit kishin nevojë për bukë e ujë, kur uria për ushqim, ujë dhe liri ishte jetike, të merreshe me lulet ishte një aventurë. Dhe aventura nisi. Me shpresë si shtysë për të kapur një ëndërr që vinte nga Qyteti i Luleve, nga parvazi i ballkonit të çdo amvise shqiptare, ku nuk mungonin ato poçe balte me ngjyrë të kuqerremtë, të mbjella me lule që i jepnin jetë jetës së shqiptarëve, i jepnin dritë dhe gëzim trishtimit të përditshmërisë.

Kaleshi @ shpk fillimisht ishte si një farë e ndrojtur e hedhur në një tokë të tharë. Me durim, punë dhe dashuri, ajo çeli sythet e para, u rrit dhe u shumua, duke u “mbjellë” pak nga pak pothuajse në të gjithë Shqipërinë. Sot është firma lider në kultivimin, tregtimin dhe importin me shumicë e pakicë të luleve, pemëve dekorative dhe aksesorëve të tjerë që e bëjnë jetën më të gjelbër dhe më pranë natyrës.

Puna jonë fillon këtu, por nuk përfundon këtu, sepse u ofrojmë klientëve shërbim të vazhdueshëm dhe të përhershëm për çdo porosi. Në një marrëdhënie besimi reciprok, shërbimi dhe miqësie. Sepse motoja jonë është: “Pranverë në çdo stinë!” Edhe në vitin e vështirë ‘97, kur armët dolën në rrugë dhe marrëzia u bë mbret i përditshmërisë, Kaleshi @ shpk vazhdoi aktivitetin e saj me lule. Shumë nga buqetat që qytetarët, në kërkim të paqes, hidhnin mbi mjetet e blinduara, vinin nga ne.

Nga lindja deri në vdekje, nga maternitete ku dëgjohet e qara e parë e foshnjave, deri në varreza ku të ndjerët përcillen në amshim; në dasma e gëzime, në këngë dhe në vaj, Kaleshi @ shpk është bërë bashkudhëtar i qytetarëve — me lule që gëzojnë dhe lule që ngushëllojnë. Dy dekada më pas, firma Kaleshi @ shpk është shndërruar në furnizuesin e parë dhe kryesor në vend për tregtarët me shumicë dhe pakicë, duke qenë e pranishme pothuajse në çdo shtëpi shqiptare.

Çfarë ofron

Kaleshi shpk, firma lider në kultivimin, tregtimin dhe importin me shumicë e pakicë të luleve, pemëve dekorative dhe aksesorëve të tjerë për ambjente të gjelbëruara dhe plot jetë.

Tek ne do të gjeni:

Lule & bimë dekorative

- Lule dhe bimë dekorative për ambjente të brendshme, të jashtme, ballkone dhe parvaze.

Aksesorë të ndryshëm

- Vazo të ndryshme lulesh për lokale, shtëpi dhe shitje për dekorimin e parvazeve dhe ballkoneve.

Mirëmbajtje zonash të gjelbërta

- Projektim, mirëmbajtje dhe realizim gjelbërimi për lulishte, parqe dhe rrugë.

Shërbime

Arredim urban, Kompani Gjelberimi

Dyqan lulesh, pemesh

Dyqan lulesh

Fara per tapet bari

Lule dekorative per ballkon

Lule dhe bime per ambjente te brendshme

Lule natyrale dekorative

Lule per parvaze

Lule sezonale

Mbjellje bari

Mirembajtje e siperfaqeve te gjelberuara

Mirembajtje lulishtesh

Peme dekorative per rruge

Peme dekorative ulliri

Peme ne shitje

Projektim dhe realizim gjelberim

Rregullim, mirembajtje parqesh dhe lulishtesh

Sherbime gjelberimi

Shtrim tapete bari

Tapet bari per shtepi

Tapete bari natyrale

Tapete bari per lulishte, oborre

Vazo lulesh per lokale

Vazo lulesh per shtepi

Vazo lulesh ne shitje

Lule dhe bime te brendshme

Mbjellje pemesh dhe lulesh ne parqe dhe lulishte

Mirembajtje Siperfaqesh Urbane

Peme dekorative shume vjecare

Projektim dhe zbatim i lulishteve

Bredha ne shitje me shumice

Kultivim i luleve natyrale

Lule dekorative per verande

Tregtimin dhe importin me shumice pakice te luleve

Vazo te ndryshme lulesh per lokale

Historiku

Nga Tirana në Durrës, nga Elbasani në Fier, Berat, Sarandë e deri në Përmet, gjurmët e Kaleshi @ shpk gjenden në çdo qytet. Projekti i lulishtes Mini Amsterdam pranë Bankës së Shqipërisë, rrapet përgjatë Lanës, Kumbullat e Kuqe në rrugën e Kavajës, ligustrat e Bulevardit “Zogu i Parë” dhe dhjetëra hapësira të tjera publike e private mbajnë firmën tonë. Shpesh, këto vepra janë realizuar edhe si dhuratë për qytetin e Tiranës.

Në Durrës, Manjolat dhe Kumbullat e Kuqe që zbukurojnë akset kryesore, si dhe hotelet e restorantet e shumta, mbajnë markën Kaleshi @ shpk. Edhe në Elbasan, prania jonë ndihet në qendrën e qytetit dhe në komplekset më të njohura. Në Fier, i gjithë gjelbërimi i unazës është një projekt i yni. Në Berat, gjelbërimi i hyrjes së qytetit është vepër e realizuar me pasion, ndërsa në Sarandë kemi sjellë jetë të re përgjatë aksit nga Hotel Butrinti deri në qytetin antik. Përmeti, vendlindja jonë, mbetet dashuria më e madhe, ku Manjolat dhe Kumbullat e Kuqe janë shenjë e identitetit tonë.

Kontributi i Kaleshi @ shpk shtrihet në dhjetëra komuna dhe përgjatë akseve kombëtare e rurale. Me punën tonë janë gjelbëruar institucione të rëndësishme qëndrore e lokale: Institucioni i Presidentit të Republikës, Ministria e Brendshme, Ministria e Mjedisit, Ministria e Punëve Publike dhe Transporteve, si edhe shumë të tjera. Gjurmët tona i gjeni edhe në TV Klan, Ora News, Vizion Plus, në Drejtorinë e Tatimeve e Taksave, Qendrën e Kartave të Identitetit, Qendrën e Azilantëve, Qendrën e Viktimave të Trafikut etj.

Me qindra biznese private ndër vite kanë besuar tek ne: kompani si Salillari, Neranxi, Besi dhe shumë të tjerë. Po kështu, qindra vila, hotele, lokale dhe ambiente banimi kudo në Shqipëri janë gjelbëruar nga duart tona, duke ndërtuar marrëdhënie të qëndrueshme besimi.

Ngjyrat dhe aromat e Kaleshi @ shpk kanë qenë pjesë e eventeve të bukurisë, shfaqjeve teatrore, koncerteve, si edhe hapësirave universitare si UET, Universiteti Kristal, kampusi i tij, Universiteti Polis, Fakulteti Ekonomik dhe një numër shkollash e kopshtesh.

Edhe pas më shumë se dy dekadash, ky është vetëm fillimi. Kaleshi @ shpk vijon të punojë me të njëjtin pasion dhe të njëjtën moto: “Pranverë në çdo stinë!” Kompania është gjithashtu sponsorizuese e ekipit të futbollit të Përmetit që nga viti 2000 dhe themeluese e televizionit lokal TV Përmeti.