Banka Boterore: Ne total tatimi i biznesit ne Shqiperi arrin ne 36.5 per qind
Shkalla e tatimit të biznesit në Shqipëri për vitin 2015 arriti në 36.5%. Sipas të dhënave nga Banka Botërore, barra tatimore për bizneset është rënduar akoma më shumë vitin e kaluar, duke u rritur nga niveli 31.4% i vitit 2014.
Shkalla totale e tatimit përfshin të gjitha taksat dhe kontributet e paguara nga biznesi, në raport me fitimin e tyre për një periudhë të caktuar. Shqipëria pozicionohet ndër vendet me barrën më të rëndë tatimore në rajon, duke lënë pas vetëm Serbinë, ku vlera totale e tatimeve të paguara shkon në afro 40% të fitimit vjetor të biznesit.Në vendet e tjera, tatimet rëndojnë ndjeshëm më pak në bilancet e sipërmarrjeve. Shkallën më të ulët të tatimit e ka Maqedonia, ku për detyrime tatimore shkojnë vetëm 12.9% e fitimeve të bizneseve.
Shifrat krahasuese tregojnë se Shqipëria është shumë larg të qenit konkurruese, për sa i takon ngarkesës fiskale. Duke qenë se vlerësimi i vitit 2015 mbështetet në të dhënat e vitit parardhës, në rritjen e masës së tatimit, me shumë të ngjarë, ka ndikuar rritja e tatim-fitimit nga 10% në 15%.Rritja e barrës tatimore i shtohet edhe uljes së ndjeshme të përfitueshmërisë gjatë viteve të fundit, për shkak të krizës dhe maturimit të shumë prej tregjeve strategjikë. Banka Botërore vlerëson se kthimi nga kapitali ka rënë me të paktën 30% krahasuar me fillimin e viteve 2000.Rënia e përfitueshmërisë, rritja e ngarkesës tatimore dhe problemet e shumta me burokracinë, korrupsionin dhe çështjet e pronës, të marra së bashku, e bëjnë tregun shqiptar gjithnjë e më pak tërheqës për investitorët seriozë.
Shkalla e tatimit të biznesit në Shqipëri për vitin 2015 arriti në 36.5%. Sipas të dhënave nga Banka Botërore, barra tatimore për bizneset është rënduar akoma më shumë vitin e kaluar, duke u rritur nga niveli 31.4% i vitit 2014.
