Pas 170 vitesh shkencetaret zbulojne planetin me te ri te sistemit tone diellor, Planetin 9
Astronomët çdo vit kanë zbuluar dhjetëra eksoplanetë, por tani pas afro 170 vjetësh ata kanë zbuluar një planet të ri.
Dy astronomë nga Instituti i Teknologjisë në Kaliforni, thonë se kanë prova të mjaftueshme, të cilat tregojnë se në sistemin tonë diellor ekziston edhe një planet tjetër, të cilin jozyrtarisht e quajnë Phattie ose Planeti 9. Ai është tri herë më i madh dhe dhjetë herë më i rëndë se Toka. Shkencëtarët Michael Broën dhe Konstantin Batigin arritën në këtë përfundim duke u bazuar në lëvizjen e planetëve të vogjël dhe objekteve hapësinore jashtë Sistemit Diellor. Këta trupa hapësinorë kanë orbita, që shfaqen nën ndikimin e gravitetit të fshehur të planetit. Astronomët madje mendojnë se ekziston mundësia që ky planet të jetë hedhur thellë në hapësirë, në sajë të forcave gravitacionale të Jupiterit dhe Saturnit.
