Australia prodhon armen, me kapacitet 1 milion te shtena ne minute
Mitralozi me fuqinë më të madhe të zjarrit, që ndodhet ende në përdorim ushtarak është “M134 Minigun”. Kjo armë u dizajnua në fund të viteve të 60 për helikopterët dhe mjetet e blinduara. Bazuar në librin e rekordeve Guinnes ajo ka kapacitetin prej 6,000 të shtënash në minutë ose 100 të shtëna në sekondë.
“M134 Minigun” nxjerr dhjetë herë më shumë plumba të kalibrit 7.62 mm se një mitraloz i zakonshëm. Megjithatë sot ajo mund të duket një lodër e thjeshtë në krahasim me shpikjen më të fundit.
“The Metal Storm gun” është një armë, e cila u krijua nga një kompani Australiane. Ajo ka kapacitetin prej 16,000 të shtënash në sekondë ose 1 milion në minutë. Në vitin 2007, kompania “Metal Storm Inc.” nënshkroi një kontratë për furnizimin e ushtrinë amerikane me këtë armë, e cila tani për tani do të përdoret vetëm në anijet luftarake (marinë).
