Krijohet arma me lazer qe mund te shpetoje token nga asteroidet
Shkencëtarët kanë ndërtuar një armë fantastiko-shkencore, e cila mund të shpëtojë tokën nga asteroidët.
Sistemi i njohur si DE-STAR (Directed Energy System for Targeting of Asteroids and ExploRation), do të përdorë rrezet lazer për të kapur dhe për të mënjanuar shkëmbinjtë në hapësirë.
Në fakt ky projekt si koncept ka ekzistuar për shumë vite, por disa dokumente të reja flasin për një zgjidhje konkrete dhe praktike për të shmangur objektet, që kërcënojnë Tokën. Ndërkohë po projektohet një sistem tjetër më i vogël se ky, i cili quhet DE- STARLITE. Një nga autorët e projektit, nga Unversiteti i Kalifornisë, Qicheng Zhang shpjegon se si lazeri mund të lëvizë apo të avullojë një asteroid që përbën kërcënim për Tokën. Ai thotë se një sistem mbrojtës orbital planetar mund të nxehë asteroidin deri në avullimin e tij.
