Krijohet stilolapsi inteligjent, i cili transferon shenimet nga letra ne smartphon-in tuaj
Kompania “Moleskine” ka krijuar një “set inteligjent shkrimi”, i cili dërgon automatikisht shënimet tuaja nga letra në telefon. Seti përfshin stilolapsin inteligjent, tabletin “letër” dhe një aplikacion për paisjet iOS dhe Android.
Letra është ndërtuar duke përdorur teknologjinë “NcodeÔ”, e cila në thelb fsheh një rrjet të padukshëm në letër. Kjo bën të mundur, që stilolapsi “inteligjent” të njohë pozicionin e tij tek faqja dhe te blloku i shënimeve.
Vetë stilolapsi është i bërë nga alumini. Ai ka një kamera të fshehur, e cila gjurmon dhe dixhitalizon fjalët e shkruara. Shënimet dhe vizatimet mund të dërgohen në aplikacionin e quajtur “Moleskine Notes” për iPhon-in dhe “Neo Notes” për platformën Android duke klikuar ikonën e zarfit në këndin e sipërm të “tabletës letër”. Aty përdoruesit mund ti modifikojnë (psh duke përdorur ngjyra) ato ose mund ti ndajnë me të tjerët. Seti kushton 199 dollarë ose 141 paund.
