Astronomet zbulojne 3 planete te ngjashem me Token
Një ekip shkencëtarësh ka identifikuar tri planete të ngjashme me Tokën, të cilët mendohet se mund të mbajnë jetë.
Ata rrotullohen rreth një ylli, i cili quhet “Trappist-1” dhe gjendet në një distancë 40 vite drite larg. Ai është i kuq, i ftohtë dhe vetëm 0.08 herë më i madh se Dielli.
Të dhënat e mbledhura nga shkencëtarët tregojnë se tri planetet e ngjashëm me Tokën dhe Venusin për nga dimensionet dhe temperatura, përbejnë një sistem planetar të ngjashëm me atë të krijuar nga Jupiteri me hënat e tij. Zbulimi është arritur duke përdorur një teleskop të vogël të quajtur "Trappist,” i cili gjendet në Observatorin La Silla në Kili.
Deri më tani astronomët kanë zbuluar më shumë se 2 mijë planete përtej sistemit tonë diellor dhe shpresojnë që me zhvillimin e teknologjisë në të ardhmen të mund të mbledhin më shumë informacion rreth tyre.
