Kjo eshte ora e pare inteligjente me luksoze ne bote
Kompania zviceriane e prodhimit të orave Tag Heuer nëntorin e kaluar prezantoi orën inteligjente “Connected Watch”, e cila tani është në treg prej disa muajsh.
Kjo është rezultat i punës së një ekipi nga Tag Heuer, Intel dhe Google. Intel ofroi pjesët, Google sistemin operativ dhe Tag Heuer siguroi hardëar-in dhe autorizimin. Google e quan atë “ora e parë inteligjente luksoze e mundësuar nga Android”
Ekrani me prekje i saj prej 1.5 inçësh është i bërë nga një gur safiri, i njëjti material i orës së Apple. Diametri i saj është 46 mm dhe ka një trashësi prej 12.8 mm. Gjithashtu ora ka një bateri 410 mAh, peshon 52 gram, procesor 1.6 GHz, Bluetooth BLE 4.1, memorje 1GB, e pajisur me mikrofon dhe është në dispozicion në 7 ngjyra. Ora inteligjente Android kushton 1,500 dollarë. Ajo vepron pothuajse njësoj si Motorola Moto 360, por është rreth 6 herë më e shtrenjtë.
