Ndoshta një ditë njerëzit do të jenë në gjendje të udhëtojnë nga Londra në Nju Jork për më pak se tre orë.
Kjo, pasi dizenjuesi spanjoll Oscar Viñals ka projektuar një avion supersonik, i cili mund të arrijë një shpejtësi maksimale 3701 km/h , 3 herë më i shpejtë se shpejtësia e zërit.
Ai quhet Flash Falcon dhe është avion dy katësh. Ngjan me një zog, por edhe me një anije kozmike dhe synon që të jetë një avion ekologjik. Flash Falcon ka kapacitet për 250 pasagjerë, të cilët gëzojnë kabina të rehatshme gjatë udhëtimit.
Vinals tha se ky avion supersonik do të bëhet nga materiale të lehta dhe rezistente dhe në pjesën e pasme brenda avionit do t ëjetë kabina e “pathyeshme” për të mbrojtur pasagjerët. Forma e tij përfshin krahë dy herë më të gjatë se Concorde dhe një hundë në formën e gjilpërës. Kjo e fundit shërben për të eleminuar zhurmat nga një bum zanor dhe për të përmirësuar aerodinamikën.
