Daikin Altherma, sistemi me ekologjik dhe efikas per kondicionimin e shtepise tuaj

Ju klientë, që keni vendosur të ndryshoni sistemin ekzistues të ngrohjes me një tjetër sistem, i cili është më efikas në energji dhe emeton më pak CO2, kompania  BEAIR Technology sjell në Shqipëri Daikin Altherma.

Një sistem të plotë për ngrohjen e shtëpisë me ujë të ngrohtë që bazohet në teknologjinë e pompave ngrohëse me burim ajrin. Ai paraqet një alternativë ekonomike dhe fleksibël kundrejt një bojleri me lëndë djegëse. Ky sistem ka gjithashtu edhe një opsion për ftohje. Karakteristikat e trashëguara të efikasitetit për kursimin e energjisë e bëjnë Daikin Altherma një zgjidhje ideale për të ulur konsumin e energjisë dhe për emetime të ulëta të CO2.

Sistemet e saj të ngrohjes me temperaturë të lartë dhe të ulët ofrojnë komoditet optimal. Pompat ngrohëse me efikasitet energjetik të lartë dhe me teknologji të përparuar kompresori, e transformojnë nxehtësinë e papërdorur dhe të pashtershme nga ajri rrethues në nxehtësi të shfrytëzueshme, qoftë si pjesë e një sistemi gjithëpërfshirës të kontrollit të klimës ose për të ngrohur ujin e ngrohtë shtëpiak. Përveç kësaj, sistemi instalohet me lehtësi.

1. Përdorimi efikas i energjisë 

Pompa ngrohëse ajër/ujë nga Daikin Altherma shfrytëzon një burim energjie të qëndrueshëm. Në fakt, ajo nxjerr nxehtësi nga ajri i jashtëm. Sistemi përbëhet nga një qark i mbyllur që përmban gaz ftohës. Krijohet një cikël termodinamik përmes avullimit, kondensimit, ngjeshjes dhe zgjerimit. Një pompë ngrohëse "pompon" nxehtësinë nga një nivel i temperaturës së ulët në një nivel të temperaturës më të lartë. Nxehtësia e rritur transferohet në sistemin e shpërndarjes së ujit (nën ngrohjen e dyshemeve, radiatorët e temperaturës së ulët, konvektorët e pompës ngrohëse dhe/ose ventilkonvektorët për sistemet e ngrohjes me temperaturë të ulët, dhe në radiatorët e temperaturës së lartë për sistemet e ngrohjes me temperaturë të lartë) në shtëpi përmes një shkëmbyesi nxehtësie.

2. Daikin altherma: alternativa ekonomike 

Daikin Altherma ngroh deri me 5 herë me më shumë efikasitet sesa një sistem tradicional ngrohjeje, i cili bazohet në lëndët djegëse ose energjinë elektrike, duke arritur një koeficient të shkëlqyer performance (COP) prej 5.04. Duke përfituar nga nxehtësia në ajrin e jashtëm, sistemi harxhon më pak energji ndërkohë që klienti sërish mund të shijojë një nivel komforti të qëndrueshëm dhe të këndshëm. Gjithashtu, kërkesat për mirëmbajtje janë minimale, duke ulur në këtë mënyrë kostot. Falë teknologjisë së inverterit, kursimet e energjisë janë edhe më të mëdha.

3. Emetime të ulëta të co2 

Daikin Altherma nuk krijon emetime direkte të CO2 , kështu që ju kontribuoni personalisht për një mjedis më të mirë. Pompa përdor elektricitet, por edhe pa elektricitetin e rinovueshëm, emetimet e CO2 janë shumë më të ulëta sesa bojlerët që përdorin lëndë djegëse.

4. Kosto e ulët instalimi

Daikin Altherma e merr nxehtësinë nga ajri. Nuk nevojitet asnjë punim për hapje kanali ose gërmim. Njësia e brendshme dhe e jashtme janë që të dyja kompakte. Njësia e jashtme mund të vendoset lehtësisht jashtë çdo ndërtese, përfshirë apartamentet. Duke qenë pa flakë ose tym, nuk ekziston nevoja e oxhakut ose e ajrosjes së vazhdueshme të ambientit ku është instaluar njësia Daikin Altherma.

5. E favorshme për familjet

Daikin Altherma punon pa naftë, gaz ose substanca të tjera të rrezikshme, duke ulur në këtë mënyrë rrezikun e mundshëm që i shoqëron ato. Përveç kësaj, nuk ju nevojitet një lidhje gazi ose rezervuar për lëndën djegëse. Nuk ekziston rreziku i helmimit, i aromës së pakëndshme ose i ndotjes nga rezervuarët që rrjedhin.

Per me teper informacion rreth BEAIR Technology klikoni ketu

Më të lexuarat