Kina nderton hidroavionin me te madh ne bote

Kina ka përfunduar prodhimin e hidroavionit më të madh në botë, i cili do të përdoret për të misionet detare dhe për të luftuar zjarret në pyje.

Avioni, i quajtur AG600, është pothuajse në madhësinë e një Boeing-u 737, shumë më i madh se çdo hidroavion tjetër i ndërtuar deri më sot. Ai mund të fluturojë deri në 4506 km dhe mund të mbledhë deri në 12 ton ujë në 20 sekonda, pesha maksimale që ai mund të mbajë është 53.5 ton.

AG600 u prezantua për herë të parë ditën e shtunë në portin jugor të Zhuhait. Para tij, hidroplani më i madh ishte H-4 Hercules, i njohur si Spruce Goose, i cili u projektua në vitin 1940.

Kina ka për qëllim zhvillimin e sektorit të saj të aviacionit  për të reduktuar varësinë nga kompanitë e huaja si: Airbus dhe Boeing edhe pse analistët thonë se për këtë mund të duhen vite.

Më të lexuarat