Kina do te ndertoje avionin me te madh ne bote per te derguar turiste ne hapesire
Një kompani kineze në “Kongresin Ndërkombëtar të Aeronautikës” në Meksikë deklaroi planin e saj ambicioz për ndërtimin e një avioni hapsinor deri në vitin 2020.
Hulumtuesit prezantuan dy ide. Dizajni i parë është më i vogël, mund të mbajë deri në 5 turistë, peshon 10 ton dhe ka një hapje të krahëve rreth 6 metër. Ai mund të udhëtojë deri në lartësinë 99 km dhe i lejon pasagjerët të përjetojnë për 2 minuta gjendjen e mungesës së peshës.
Versioni i dytë është më i madh. Ai mund të mbajë deri në 20 turistë duke e bërë atë një nga avionët më të mëdhenj të hapësirës në botë. Peshon 100 ton dhe ka një hapje të krahëve rreth 12 metër. Ai mund të fluturojë deri në lartësinë 130 km dhe dhe u jep mundësinë pasagjerëtve të përjetojnë për 4 minuta gjendjen e mungesës së peshës. Sipas kompanisë një udhëtim do të kushtojë 200,000-250,000 dollarë.
