Kina nis ne hapesire raketen me te madhe te derguar ndonjehere
Ditën e enjte në 20:43 sipas kohës lokale (12:43 GMT), Kina dërgoi në hapësirë raketën e saj më të madhe dhe më të fuqishme.
Ajo mbante një satelit eksperimental, të njohur si Shijian-17. Raketa e quajtur Long March 5 do të shërbejë për realizimin e ambicieve të vendit për një stacion hapsinor dhe eksplorim ndërplanetar.
Long March 5 është 57 metër e lartë dhe peshon 869 ton. Sipas disa specifikave ajo mund të vendosë në orbitën e ulët të Tokës (një lartësi midis 160-2000 km) 25 ton dhe më shumë se 14 ton në një orbitë gjeostacionare (orbitë rrethore 36,000 km mbi ekuatorin e Tokës dhe ndjek drejtimin e rrotullimit të Tokës).
Kjo e vendos Long March 5 në të njëjtin nivel me raketën aktuale më të fuqishme të SHBA-së, Delta-IV Heavy. Kina ka në plan të fillojë misionin e saj të parë planetar në Mars në vitin 2020.
