Kupolat prej qelqi rezistente ndaj tornadove dhe termeteve
Një firmë ka prezantuar një projekt luksoz, i cili jo vetëm është ekologjik, por edhe mbron banorët nga tërmetet dhe era.
Të quajtura “Biodomes”, këto kupola gjeodezike prej qelqi dhe metali janë në dispozicion në 20 variacione të ndryshme. Ato lejojnë pronarët të shtojnë çdo gjë brenda strukturës së lakuar të xhamit si: një pishinë të brendshme, apartament të vogël apo një laborator shkencor.
Këto kupola mund të përballojnë tërmete deri në 8.5 shkallë Rihter dhe erë me shpejtësi 318 km/h. Struktura më e vogël, e cila quhet Pollux është ndërtuar në një sipërfaqe 6 m², ka një diametër 4.8 metër dhe është 2.4 metër mbi tokë. Kurse më e madhja e quajtur Arcturus ka një diametër 19.8 metër. Sipas firmës ato përdorin 30% më pak energji se ndërtesat tradicionale për të ngrohur apo ftohur banesën.
