Posterat interaktive qe kolliten kur ju pini duhan
Farmacia suedeze ‘Apotek Hjärtat’ ka publikuar një fushatë provokuese anti-duhan. Posteri i krijuar nga agjensia e reklamave ‘Åkestam Holst’ u vendos në një shesh të Stokholmit ku njerëzit mblidhen rregullisht për të pirë duhan.
I riu, që shihet në reklamë u thotë shikuesve: “ Ne jemi farmacia suedeze Apotek Hjärtat. Misioni ynë është t'ju ndihmojmë të jetoni një jetë më të gjatë dhe të shëndetshme. Kjo është arsyeja pse unë jam këtu, për t'ju ndihmuar të merrni zakone të reja dhe të shëndetshme.” Sa herë që një duhanpirës kalon pranë posterit, i riu që shihet aty kollitet me bezdi dhe neveri.
Teknologjia është shumë e thjeshtë, një detektor tymi për të njohur praninë e një cigare të ndezur. Pastaj reklama vazhdon të tregojë një përzgjedhje të produkteve anti-duhan të ofruara nga farmacia. Vendasit kanë reaguar në mënyrë shumë pozitive ndaj fushatës.
