Kulla ne forme U-je ne Nju Jork, me gjata ne bote

Gara për të ndërtuar kullën më spektakolare në botë tani ka marrë një tjetër drejtim. Firma arkitektonike “Oii Studio”, me bazë në Athinë dhe Nju Jork ka prezantuar projektin për ndërtimin e një kulle të lakuar në Manhatan, të quajtur “The Big Bend.”

Ajo do të formohet nga një strukturë shumë e hollë, e cila në krye lakohet dhe kthehet përsëri në tokë, duke krijuar atë që dizenjuesit e saj e përshkruajnë si ndërtesa më e gjatë në botë, 1.22 kilometër.

Sipas Oii Studio, historia e “Big Bend” ndjek një trend të kohëve të fundit që ka lindur në Nju Jork: shfaqjen e panumërt të kullave të banimit, të gjata dhe të holla. Kulla do të ketë një fasadë plotësisht të veshur me xham dhe një sistem ashensori të dyfishtë, i cili mund të lëvizë horizontalisht dhe në kthesa.

Më të lexuarat