Kjo paisje e vogel e kthen ajrin e ndotur ne karburant hidrogjeni

Shkencëtarët nga Universiteti i Antwerpit dhe Universiteti Leuven në Belgjikë kanë një zgjidhje inovative për ndotjen. Ata kanë zhvilluar një pajisje që filtron ajrin e ndotur dhe, përmes këtij procesi, prodhon energji.

Pajisja është një qelizë fotoelektrokimike me dy dhoma. Në një dhomë të qelizës, ajri filtrohet dhe pastrohet duke përdorur një fotoanodë. Procesi prodhon hidrogjen, i cili mblidhet nga një katodë pas membranës që ndan dy dhomat. Ky hidrogjen mund të ruhet dhe përdoret më vonë si lëndë djegëse.

“Në të kaluarën, këto qeliza u përdorën kryesisht për nxjerrjen e hidrogjenit nga uji. Tani kemi zbuluar se kjo është gjithashtu e mundur, dhe madje edhe më efikase, me ajër të ndotur”, shpjegoi profesor Sammy Verbruggen, autor i studimit.

Më të lexuarat