Deri ne vitin 2018, cdo autobuz ne kete megaqytet kinez do te jete elektrik
Kina mund të jetë një nga vendet më të ndotura në planet, por po investon në teknologji të qëndrueshme për të reduktuar ndikimin e saj në mjedis, si dhe për të mirën e shëndetit të qytetarëve.
Grupi Shenzhen Bus ka deklaruar se megaqyteti kinez do të elektrifikoje gjithë flotën e tij prej 16,000 autobusësh deri në fillim të vitit 2018, duke e bërë Shenzhen qytetin e parë në botë me një flotë autobuzësh plotësisht elektrikë. Shenzhen fillimisht filloi miratimin e autobusëve elektrikë në 2009 si pjesë e “China’s Neë Energy Vehicle Program”, i cili sfidoi 10 qytete kineze për të vendosur 1,000 automjete elektrike çdo vit midis 2009 dhe 2012.
Qeveritë vendore dhe ato kombëtare kanë luajtur një rol të rëndësishëm; të dy ofruan subvencione për të sjellë koston e autobuzëve elektrikë në përputhje me ata tradicionalë. Gjithashtu për këtë ka ndihmuar dhe rënia e kostove të baterive të litiumit. Autobuzët elektrikë janë më të lirë për të operuar dhe për t’u mirëmbajtur sesa ata me naftë.
Prodhuesi i automobilave Shenzhen BYD prodhoi 80 për qind të autobusëve të rinj. Kompania shet makinat e saj në 50 vende të botës dhe madje e tejkaloi Teslën në vitin 2016 si prodhuesi më i madh i automjeteve elektrike në botë.
