SHBA, kompania Panasonic nderton nje qytet inteligjent
Kompania Panasonic mund të jetë më e njohur për elektronikën e konsumit, por vitet e fundit ajo ka filluar të punojë edhe në dizajnin urban të teknologjisë së lartë.
Kompania tani po ndërton infrastrukturën e "smart city" pranë Denver, Kolorado, me qëllim për të kthyer zonën në një "qytet inteligjent" deri në vitin 2026. Iniciativa është pjesë e një programi të quajtur CityNow. Megjithëse përkufizimi i një "qyteti të zgjuar" ndryshon, termi zakonisht përshkruan një zonë metropolitane që prioritizon përdorimin e teknologjisë në infrastrukturën e saj.
Në një sipërfaqe toke prej 400 hektarësh, pranë Aeroportit të Denverit, kompania ka instaluar WFi falas, drita rruge LED, sensorë ndotjeje, panele diellorë dhe kamera sigurie. Me ndihmën e mikrogridit të ri (i cili mbështetet pjesërisht në energjinë diellore), qarku mund të furnizohet për 72 orë në rast të një ndërprerjeje të energjisë elektrike.
Jarrett Wendt, EVP i Panasonic Enterprise Solutions, tha se me ndihmën e rrjetit të ri (i cili mbështetet pjesërisht në energjinë diellore), qarku mund të furnizohet për 72 orë në rast të ndonjë ndërprerjeje energjie.
Në fund të vitit 2017, kompania dhe qyteti u bashkuan me Departamentin Amerikan të Transportit në një projekt 72 milion dollarësh për automjetet autonome, gjithashtu pjesë e CityNoë. Në vitet e ardhshme, në një shtrirje prej 15 kilometrash të autostradës, Denver dhe Panasonic shpresojnë të vendosin një sistem të teknologjisë së lartë të quajtur Road X që do të "fliste" për makinat vetëlëvizëse. Për shembull, do të ofronte rekomandime të navigimit (bazuar në modelet e trafikut në kohë reale) dhe do të krijonte "mburoja virtuale" që do të paralajmëronin shoferët kur ata dalin nga korsia.
Emily Silverman, menaxhere e programit për qytetin e Denver, tha për Business Insider se ekipi i saj beson se teknologjia do të përmirësojë jetën e banorëve. Nëse ky program rezulton i suksesshëm në zonën e Denverit, kompania mund të nisë ‘City Now’ edhe në qytete të tjera amerikane. Përpjekja e parë e Panasonic në një qytet inteligjent në Fujisaëa, Japoni, ka rezultuar në një qytet me 70 për qind më pak dioksid karboni se zakonisht.
Qyteti inteligjent i Denver-it është planifikuar të përfundojë për tetë vjet, dhe Panasonic shpreson të shohë rezultate të njëjta, nëse jo edhe më të mira.
