5 tendencat kryesore ne industrine e ndertimit per vitin 2018

Eksperti i industrisë së ndërtimit Saeed Al Abbar, udhëheqës i konsulencës AESG me bazë në Dubai dhe Kryetar i Këshillit për Ndërtimin Ekologjik në Emirate, tregon tendencat kryesore në industrinë e ndërtimit për vitin 2018.

Al Abbar është një avokat i pasionuar i zhvillimit të qëndrueshëm dhe teknikave të ndërtimit të gjelbër dhe ka prezantuar në një numër konferencash lokale, rajonale dhe ndërkombëtare. Ai tregon se cilat janë, sipas mendimit të tij, tendencat kryesore për industrinë e ndërtimit në vitin në vijim.

1. Ndërtesa me zero energji

Ndërtesa me zero energji është një strukturë me konsumin zero të energjisë, që do të thotë se sasia totale e energjisë e përdorur nga ndërtesa në baza vjetore është përafërsisht e barabartë me sasinë e energjisë së rinovueshme të krijuar në vend, ose në përkufizime të tjera nga burimet e ripërtërishme të energjisë në vende të tjera. Që nga Marrëveshja e Klimës së Parisit në vitin 2015, ne kemi filluar të shohim një lëvizje drejt dekarbonizimit të ekonomisë globale.

2. Siguria nga zjarri  dhe rregullat e ndërtimit

Kostoja e sigurimit po rritet për shkak të zjarreve të fasadave. Ata zhvillues të cilët nuk e kanë marrë në konsideratë sigurinë nga zjarri në fasadën e tyre do të paguajnë shpërblim më të lartë, sepse ekziston një rrezik më i lartë. Al Abbar thotë se do të bëhet gjithnjë e më e nevojshme që ekipet e zjarrit dhe të sigurimit të jetës të punojnë së bashku me ekipet e fasadave për të ndjekur praktikat më të mira për sigurinë nga zjarri në projektimin e fasadave.

3. Komisionimi i projektit

Komisionimi i projekteve të mëdha civile dhe industriale është një specialitet kompleks dhe i sofistikuar teknik që mund të konsiderohet si një disiplinë inxhinierike specifike dhe e pavarur. Komisionimi i projektit është procesi i sigurimit se të gjitha sistemet dhe komponentët e një ndërtese ose impianti industrial janë projektuar, instaluar, testuar, operuar dhe mirëmbahet sipas kërkesave operacionale të pronarit ose klientit përfundimtar. Ndërtesat moderne janë jashtëzakonisht komplekse dhe nëse një sistem nuk do të ishte i rregulluar siç duhet do të përdorte 25% më shumë energji, si dhe nuk do të funksiononte në kapacitetin e tij optimal.

4. “Value engineering”

“Value engineering” (VE) është një metodë sistematike për të përmirësuar "vlerën" e mallrave ose produkteve dhe shërbimeve duke përdorur një ekzaminim të funksionit. Vlera, siç përcaktohet, është raporti i funksionit me koston. Prandaj, vlera mund të rritet ose duke përmirësuar funksionin ose duke ulur koston. Është një parim themelor i “Value engineering” (inxhinierisë së vlerave) që funksionet themelore të ruhen dhe të mos reduktohen si pasojë e ndjekjes së përmirësimeve të vlerës.

5. Menaxhimi i aseteve ekzistuese

Tema e fundit që Al Abbar pret që të vihet në dukje gjatë këtij viti është rëndësia e menaxhimit të duhur të aseteve ekzistuese.  Ndërtesat me kalimin e kohës vjetërohen dhe kërkesa për rifutjen e sistemeve mekanike, elektrike, të zjarrit dhe të sigurisë së jetës po bëhet gjithnjë e më e zakonshme.

Më të lexuarat