Fillon ndertimi i 300 ishujve artificiale ne Dubai
Ndërtimi i arkipelagut me 300 ishuj artificialë në Dubai, u pezullua për 10 vjet për shkak të krizës financiare.
The World, një zinxhir prej 300 ishuj, të shpërndarë në formën e kontinenteve dhe të bërë nga rëra, është zhvilluar vetëm pjesërisht pasi ndërtimim i projektit u ndal në 2008.
Por ndërtimi i tij po fillon përsëri. Josef Kleindienst, nga kompania e pasurive të paluajtshme Kleindienst, bisedoi me The Guardian rreth planeve të tij për “The Heart of Europe”, duke thënë se ai dëshiron ta bëjë atë një vend me borë gjatë gjithë vitit. Faqja e internetit e Kleindienst e përshkruan “The Heart of Europe”, si projektin e parë të këtij lloji, i cili përfshin gjashtë nga ishujt e The World në Dubai, ku secili ishull merr frymëzim nga disa nga vendet më të mahnitshme të Evropës. Zyrat zvicerane, kështjellat austriake dhe pallatet ruse janë pjesë e planeve.” Kleindienst tha për The Guardian se projekti do të përfundojë në kohë për Expo 2020 në Dubai.
Pronarët e tjerë të ishullit duket se janë frymëzuar nga Kleindienst, sipas The Guardian. Zhvilluesi i Emirati Seven Tides synon të përfundojë një resort me 100-vila në një nga 10 ishujt që ata zotërojnë në pjesën e Amerikës së Jugut deri në fund të këtij viti. Dhe aktorja Lindsay Lohan tha se po projekton një ishull në The Ëorld. Mbetet për t'u parë nëse projektet në fund do të realizohen.
