Taksite fluturuese mund te behen komerciale per 5-10 vjet
Shefi Ekzekutiv i Uber Technologies, Dara Khosroëshahi, tha të martën se ai beson se komercializimi i shërbimit të fluturimit Uber Air mund të bëhet realitet brenda pesë ose dhjetë vjetësh.
Khosroëshahi tha në një forum investitorësh në Tokio që automjetet fluturuese do të bëhen një metodë e përballueshme për transportin masiv. Kompanitë e udhëtimit, si Uber, e shohin Japoninë, e cila ka një popullsi të lartë, si një treg fitimprurës. Ata po bëjnë presion mbi rregullatorët japonezë për të lehtësuar rregullat e rrepta që drejtojnë industrinë e taksive në vend.
Planet për shërbimet e taksive fluturuese tashmë janë diskutuar në vende si Paris dhe Dubai, bazuar në dronet që mund të mbajnë njerëzit, por ato ende nuk janë zbatuar.
Uber gjithashtu tha se do të fillojë testimin e shërbimit të taksive fluturuese për 4 pasagjerë, me 321 km/h nëpër Los Anxheles në vitin 2020. Ky është tregu i dytë i testit në SHBA pas Dallas.
Uber tha se shërbimi i taksive fluturuese do të ishte plotësisht elektrik. Një udhëtim, i cili normalisht do të merrte 80 minuta me makinë në trafik mund të reduktohej në më pak se katër minuta në një taksi Uber. Uber ka në plan që të ketë një formë të shërbimit ajror funksional për Lojërat Olimpike të vitit 2028.
