Ford terheq 1.4 mln makina per shkak te problemeve me sistemin e drejtimit
Ford ka deklaruar se po tërheq 1.4 milion makina në Amerikën e veriut pasi kompania ka zbuluar se rrotat drejtuese në dy modele të automjeteve të tyre, mund të dalin teksa automjeti është në lëvizje.
Prodhuesi i makinave tha se bulonat e rrotave drejtuese mund të hiqen gjatë lëvizjes së automjetit, duke shkaktuar një humbje të kontrollit dhe si rrjedhojë, një rritje të mundësisë për aksident. Dy modelet e prekuara janë Ford Fusion dhe Linkoln MKZ. Përparësia më e madhe për makinat e tërhequra janë ato në Amerikë, por sipas kompanisë afërsisht 80.000 mjete janë në Kanada dhe Meksikë. Kompania është shprehur se makinave të shitura tek blerësit, do tu zëvendësohet boshti i rrotave drejtuese me një të ri që është më i gjatë dhe më i fuqishëm.
Ford gjithashtu po tërheq rreth 6.000 mjete të tipit Ford Fusion me drejtim manual dhe motorë të ndryshëm, të cilët shfaqin probleme të ndryshme, si rreziku i zjarrit i cili vjen për shkak të çarjes së pedalit të friksionit. Kompania tha se kur drejtuesit vazhdimisht ndryshojnë marshin, lidhja e friksionit mundet që të konsumohet para kohe duke prishur pedalin e shtypjes. Një pedal i thyer mund të bëjë që lëngu i transmisionit të rrjedhë pranë një burimi të ndezjes, duke çuar në një zjarr të mundshëm. Fordi është prodhuesi i dytë më i madh i makinave në Amerikë.
